Māteo 10:18 - Rapa Nui

¹⁸ ꞌE ꞌātā he maꞌu i a kōrua ki muꞌa o te suerekao ꞌe o te ꞌariki ꞌo te ai o kōrua ꞌāꞌaku. Pē ira ka haka ꞌite ena kōrua o ruŋa i a au ꞌi muꞌa o rā nuꞌu ꞌe o te tētahi nuꞌu taꞌe he hūrio.

Māteo 10:18 ပူးပေါင်းရင်းမြစ်များ

Māteo 10:17

»E uꞌi kōrua e hāpaꞌo. E vaꞌai rō, paꞌi, i a kōrua ki te rima o te nuꞌu ra-rahi ꞌe he tiŋaꞌi atu ꞌi roto i te ⌊hare pure hūrio⌋.

Māteo 10:19

»ꞌI te hora vaꞌai i a kōrua ki te nuꞌu ra-rahi, ꞌina ko manaꞌu rahi he aha te meꞌe mo vānaŋa ꞌe pē hē kōrua ka kī ena. Ka tuꞌu ena te hora mo vānaŋa, mo te ꞌAtua e vaꞌai atu i te vānaŋa mo kī.

Māteo 8:4

He kī haka ꞌou e Ietū: —ꞌIna ko ꞌaꞌamu e tahi nuꞌu. Ka oho koe ka haka takeꞌa i a koe ki te ⌊oromatuꞌa⌋. E maꞌu te meꞌe mo tūtia ki te ꞌAtua haka ꞌite mai e ⌊Mōtē⌋ mo tuꞌu ⌊haka maꞌitaki⌋, ki tūtia ai e te oromatuꞌa ꞌe ki haka ꞌite ai ki te taŋata ko ora ꞌana tuꞌu māui-ui.

Marko 13:9

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 11:7

Ki oti te rāua aŋa, he haka ꞌite i te roŋo o te ꞌAtua, te manuꞌino taparahi-taꞌata eꞌa mai raro i te pū ꞌina he hopeꞌa te raro nui he moto ki a rāua ꞌe he rē. He tiŋaꞌi ia he haka mate i rā ŋā mataꞌite.

Meꞌe Haka Takeꞌa 6:9

I kume era e te Māmoe i te rima tāmaꞌu, he takeꞌa e au ꞌi raro o te ⌊fata⌋ i te vārua o te nuꞌu mā-mate, tiŋaꞌi e te nuꞌu ꞌo te haka ꞌite ꞌo te oho i te ⌊roŋo riva-riva o te ꞌAtua⌋ ꞌe ꞌo te maꞌu i rā roŋo pa he meꞌe o rāua.