Māteo 1:25 - Rapa Nui

²⁵ ꞌE kai moe hia ararua pa he kenu pa he viꞌe i poreko rō ai te poki ꞌe he nape e Kōsē i te ꞌīŋoa ko Ietū.

Māteo 1:25 ပူးပေါင်းရင်းမြစ်များ

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

Māteo 1:24

I ꞌara era a Kōsē, he aŋa i tū meꞌe kī era e te merahi, he toꞌo i a Māria mo viꞌe ꞌāꞌana.

Ruka 1:31

Nā he tupu taꞌa poki; he poreko poki tane. He nape koe i te ꞌīŋoa ko Ietū.

Ruka 2:21

ꞌI te vaꞌu mahana o te poreko o tū poki era, he maꞌu he haka tāpaꞌo i te tāpaꞌo iŋa ⌊hūrio⌋, he hore i te kiri o te kinoŋa, ꞌe he nape i te ꞌīŋoa o te poki ko Ietū, he ꞌīŋoa kī e te merahi ki a Māria mo nape ꞌi te hora era kai tupu ꞌā te poki.

Ruka 2:7

He poreko poki tane, poki ꞌatariki ꞌa Māria. He haꞌī hai kahu ꞌe he haka moe ꞌi roto i te meꞌe hāŋai puaꞌa. A rāua, paꞌi, ꞌi te kona hāpaꞌo puaꞌa, ꞌi te meꞌe ko ꞌī tahi ꞌā te hare e te taŋata.

Rōmano 8:29

Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.