Marko 9:29 - Rapa Nui

²⁹ He pāhono e Ietū: —Te tātane taꞌatoꞌa pūai pē rā hai pure nō ki te ꞌAtua ana haka eꞌa.

Marko 9:29 ပူးပေါင်းရင်းမြစ်များ

Māteo 12:45

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rā taŋata ki te hora raꞌe era. Pē ira ka topa takoꞌa ena ki te nuꞌu o te hora nei, he nuꞌu aŋa i te meꞌe taꞌe tano.

Māteo 17:20

He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 17:21

ꞌE, te tātane taꞌatoꞌa pūai pē rā, hai pure nō ki te ꞌAtua ꞌe hai tapu i te kai ana haka eꞌa.]

Marko 9:28

I hini ꞌiti era he uru a Ietū ki roto i te hare e tahi. I topa era ko rāua nō ko tāꞌana nuꞌu hāpī, he ꞌui e rā nuꞌu ki a Ietū: —¿He aha a mātou i taꞌe ravaꞌa ai mo haka eꞌa i rā tātane?

Marko 9:30

I oho era ananake mai rā kona, he vari he oho a Karirea. A Ietū ꞌina kai haŋa mo ꞌite e te nuꞌu ꞌai ira a ia

Ruka 11:26

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rō atu ꞌai rā taŋata ki te hora raꞌe era».

Aŋa o te ꞌĀpōtoro 14:23

He haꞌataꞌa ia e kuā Pauro, ꞌi te ŋā kona nei a to-toru, i te ŋāŋata mo pūꞌoko haka tere o te nūnaꞌa haka moe i te manaꞌu ꞌi ruŋa i a Ietū. He pure ꞌe he tapu i te kai koia ko rā nuꞌu taꞌatoꞌa. I oti era he ani e kuā Pauro ki a Ietū, he kope ꞌi ruŋa e haka moe tahi era i te manaꞌu, mo hāpaꞌo i a rāua.

1 Kōrinto 9:27

ꞌIna a au he haꞌatiꞌa mo haka tere mai i a au e tōꞌoku hakari; ꞌāꞌaku te haka tere ꞌo viri a au ki roto i te meꞌe taꞌe tano pohe e tōꞌoku hakari ꞌe ꞌo taꞌe ravaꞌa e au, e te kope hāpī i te rua, i te meꞌe vaꞌai e te ꞌAtua.

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.

2 Kōrinto 12:8

E toru ōꞌoku ani iŋa ki tōꞌoku Pūꞌoko Haka Tere mo toꞌo i te ꞌati nei mai ruŋa i a au.

2 Kōrinto 6:5

i te tiŋaꞌi, i te puru ꞌi roto i te hare maꞌuꞌaurī, i te haka tumu i te ture, i te aŋa paŋahaꞌa, i te taꞌe haꞌuru ꞌe i te maruaki.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

Tanatiako 5:15

ꞌE ka pure era e haka moe rō ꞌana i te manaꞌu ꞌi ruŋa i a Ietū, he haka ora e Ietū i tōꞌona māui-ui, ꞌe mo ai ko hara ꞌā, he haka kore i tōꞌona hara.