Marko 9:27 - Rapa Nui

²⁷ Ka ai atu pē ira, he ꞌa-ꞌaru e Ietū i te rima, he haka eꞌa ki ruŋa, ꞌe he māroa rō ꞌai rā poki.

Marko 9:27 ပူးပေါင်းရင်းမြစ်များ

Māteo 9:25

ꞌe i haka eꞌa nō e Ietū. He uru ki roto i te piha ꞌi ira rā poki, he ꞌa-ꞌaru a te rima ꞌe he eꞌa rō ꞌai rā poki ki ruŋa.

Marko 1:31

He haka hāhine a Ietū ki tū viꞌe era, he ꞌa-ꞌaru a te rima ꞌe he haka eꞌa ki ruŋa. ꞌI tū hora ꞌā he ora rō ꞌai te māui-ui, ꞌe he haꞌamata rā viꞌe he vaꞌai hai kai mo kuā Ietū.

Marko 1:41

He haka ꞌaroha a Ietū i tū taŋata era; he haka puā hai rima he kī: —Ko haŋa ꞌana a au.

Marko 5:41

He ꞌa-ꞌaru i te rima o tū poki era ko mate ꞌā ꞌe he kī: —Talita, kumi. Te auraꞌa o te vānaŋa nei: «E vovo, ki a koe a au e kī atu ena: ka eꞌa ki ruŋa».

Marko 8:23

He ꞌa-ꞌaru e Ietū i tū taŋata era a te rima he hāꞌere he oho ararua ki haho o Vetetaira. He haka rari i te mata hai ꞌā-ꞌanu ꞌe he haka puā hai rima. I oti era he ꞌui e Ietū: —¿E takeꞌa rō ꞌā koe i te meꞌe?

Marko 9:26

He ki-kiu tū tātane era, he haka kiki-kiki haka ꞌou i tū poki era. I oti era he eꞌa mai roto; i haka rē ai e tuꞌu rō ꞌā pa he meꞌe ena ē: ko mate ꞌā. ꞌE meꞌe rahi nuꞌu i kī ko mate ꞌā.

Marko 9:28

I hini ꞌiti era he uru a Ietū ki roto i te hare e tahi. I topa era ko rāua nō ko tāꞌana nuꞌu hāpī, he ꞌui e rā nuꞌu ki a Ietū: —¿He aha a mātou i taꞌe ravaꞌa ai mo haka eꞌa i rā tātane?

Aŋa o te ꞌĀpōtoro 23:19

He ꞌa-ꞌaru ia i te rima o tū poki era e te kōmana, he maꞌu a te tapa, he ꞌui: —¿He aha taꞌa meꞌe mo kī mai?

Aŋa o te ꞌĀpōtoro 3:7

I kī era a Pētero i te meꞌe nei, he ꞌa-ꞌaru a te rima mataꞌu mo haka eꞌa ki ruŋa. ꞌI tū hora ꞌā he ora rō ꞌai te vaꞌe o tū taŋata era.

Aŋa o te ꞌĀpōtoro 9:41

He ꞌa-ꞌaru e Pētero a te rima he haka māroa. He ohu ki te nuꞌu haka moe i te manaꞌu ꞌi ruŋa i a Ietū ꞌe ki tū ŋā viꞌe hove era, he haka takeꞌa ko ora haka ꞌou ꞌā a Tavitā.