Marko 9:25 - Rapa Nui

²⁵ ꞌI te uꞌi o Ietū ko ꞌata rahi ko oho ꞌā te taŋata, he ture ki tū tātane era he kī: —E te tātane taꞌe haꞌatiꞌa mo vānaŋa ꞌe mo ŋaroꞌa ē, ka eꞌa koe mai roto i te poki ena, ꞌe ꞌina koe ko uru haka ꞌou ki roto.

Marko 9:25 ပူးပေါင်းရင်းမြစ်များ

Māteo 12:22

He maꞌu ia ki a Ietū i te taŋata ko keva ꞌā te mata ꞌe ꞌina he vānaŋa ꞌi te oꞌo e te tātane, ꞌe he haka ora e Ietū.

Māteo 17:18

He ture e Ietū ki te tātane ꞌi roto i te poki ꞌe he haka eꞌa. ꞌI rā hora mau ꞌā he ora rō ꞌai tū poki era.

Marko 9:15

I takeꞌa era i a Ietū e te nuꞌu taꞌatoꞌa, he māere ꞌe he tāhuti ki muri he ꞌaroha.

Marko 9:24

He kī ia e te matuꞌa o tū poki era hai reꞌo pūai: —E haka moe rō ꞌana a au i tōꞌoku manaꞌu ꞌi ruŋa i te ꞌAtua. Ka haka haŋu mai koe i a au mo ꞌata haka moe ōꞌoku i te manaꞌu ꞌi ruŋa i a ia.

Marko 9:26

He ki-kiu tū tātane era, he haka kiki-kiki haka ꞌou i tū poki era. I oti era he eꞌa mai roto; i haka rē ai e tuꞌu rō ꞌā pa he meꞌe ena ē: ko mate ꞌā. ꞌE meꞌe rahi nuꞌu i kī ko mate ꞌā.

Ruka 11:14

A Ietū e haka eꞌa ꞌana i te tātane mai roto i te taŋata e tahi, taŋata ko haka mou ꞌana i te reꞌo e rā tātane. I eꞌa era tū tātane era, he haꞌamata rā taŋata he vānaŋa haka ꞌou. He māere te nuꞌu ꞌi tū meꞌe era.

Ruka 4:35

He ture ia e Ietū ki tū tātane era: —¡Ka mou ꞌe ka eꞌa koe mai roto i te taŋata ena! He haka ꞌamo e tū tātane era i rā kope ki raro e uꞌi nō atu ꞌana te nuꞌu taꞌatoꞌa o tū kona era. He eꞌa rā tātane mai roto ꞌe ꞌina e tahi meꞌe ꞌino i aŋa.

Ruka 4:41

I rahi rō te nuꞌu o rā nuꞌu māui-ui era mai roto takoꞌa i eꞌa ai te tātane koia ko ohu: —¡He Poki koe o te ꞌAtua! He ture e Ietū ki rā ŋā tātane ꞌe, ꞌi te ꞌite o rāua a ia he ⌊Kiritō⌋, ꞌina he haka rē e Ietū mo vānaŋa.

Ruka 8:29

I kī ai i te meꞌe nei ꞌo te ai ko kī ꞌana e Ietū ki tū tātane era mo eꞌa mai roto i rā taŋata. E rahi rō ꞌana te mahana e haka taehae era ꞌe, ka ai atu e here-here rō ꞌana e te nuꞌu i te rima ꞌe i te vaꞌe hai vivi mo haka noho, e motu-motu nō ꞌā, ꞌai ka haka oho e rā tātane a te kona ꞌina he taŋata.

Ruka 9:42

I hāhine i oho era te poki ki a Ietū, he haka hiŋa e te tātane, he haka kiki-kiki. He ture he haka eꞌa e Ietū i rā tātane ꞌe he ora tū poki era. I oti era he haka hoki e Ietū ki tōꞌona matuꞌa.

Aŋa o te ꞌĀpōtoro 16:18

Meꞌe rahi mahana e ohu-ohu era ꞌātā ka ꞌeꞌete rō te manava o Pauro. He teka ia he kī ki te tātane o roto o tū poki era: «¡Hai ꞌīŋoa o Ietū Kiritō he kī atu au: ka eꞌa koe mai roto i te poki ena!». ꞌI tū hora mau era ꞌā he eꞌa tū tātane era mai roto.

Hura 1:9

Ka manaꞌu rā: hora tātake era o Mihaera, he merahi ra-rahi o te ꞌAtua, ararua ko Rukifero o ruŋa i te hakari o ⌊Mōtē⌋, ꞌina a Mihaera kai kī i te vānaŋa rake-rake mo Rukifero; i kī nō: «¡Mo te ꞌAtua koe e ture atu!».