Marko 9:20 - Rapa Nui

²⁰ He maꞌu ia i tū poki era. I takeꞌa era e te tātane i a Ietū, he haka kiki-kiki i rā poki, he haka hiŋa ki raro, he haka teka-teka koia ko hoa i te kuta-kuta mai roto i te haha.

Marko 9:20 ပူးပေါင်းရင်းမြစ်များ

Marko 1:26

He haka kiki-kiki i rā taŋata, ꞌai ka eꞌa mai roto koia ko ki-kiu.

Marko 9:18

Taꞌatoꞌa hora haka tere i a ia e te tātane, he ava ki ruŋa i te ꞌōꞌone, he hoa te kuta-kuta a te haha, he kiki-kiki ꞌe he ŋau i tōꞌona niho. Ko ani ꞌā a au ki te nuꞌu hāpī nei ꞌāꞌau mo haka eꞌa i te tātane mai roto i a ia, ꞌe ꞌina e rāua kai ravaꞌa.

Marko 9:19

He kī e Ietū: —¡E te nuꞌu taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Marko 9:21

He ꞌui e Ietū ki te matuꞌa tane o rā poki: —¿Mai ꞌaŋahē te meꞌe nei i haꞌamata ai? He pāhono e tū matuꞌa era: —Mai te ꞌiti-ꞌiti iŋa ꞌā.

Marko 9:26

He ki-kiu tū tātane era, he haka kiki-kiki haka ꞌou i tū poki era. I oti era he eꞌa mai roto; i haka rē ai e tuꞌu rō ꞌā pa he meꞌe ena ē: ko mate ꞌā. ꞌE meꞌe rahi nuꞌu i kī ko mate ꞌā.

Ruka 4:35

He ture ia e Ietū ki tū tātane era: —¡Ka mou ꞌe ka eꞌa koe mai roto i te taŋata ena! He haka ꞌamo e tū tātane era i rā kope ki raro e uꞌi nō atu ꞌana te nuꞌu taꞌatoꞌa o tū kona era. He eꞌa rā tātane mai roto ꞌe ꞌina e tahi meꞌe ꞌino i aŋa.

Ruka 8:29

I kī ai i te meꞌe nei ꞌo te ai ko kī ꞌana e Ietū ki tū tātane era mo eꞌa mai roto i rā taŋata. E rahi rō ꞌana te mahana e haka taehae era ꞌe, ka ai atu e here-here rō ꞌana e te nuꞌu i te rima ꞌe i te vaꞌe hai vivi mo haka noho, e motu-motu nō ꞌā, ꞌai ka haka oho e rā tātane a te kona ꞌina he taŋata.

Ruka 9:39

Ko oꞌo ꞌā e te tātane; ꞌāꞌana te haka ohu-ohu, te haka kiki-kiki ꞌe te haka eꞌa i te kuta-kuta a roto i te haha. He tōtōā nō te aŋa ꞌe ꞌina he haka rē.

Ruka 9:42

I hāhine i oho era te poki ki a Ietū, he haka hiŋa e te tātane, he haka kiki-kiki. He ture he haka eꞌa e Ietū i rā tātane ꞌe he ora tū poki era. I oti era he haka hoki e Ietū ki tōꞌona matuꞌa.

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.