Marko 9:19 - Rapa Nui

¹⁹ He kī e Ietū: —¡E te nuꞌu taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Marko 9:19 ပူးပေါင်းရင်းမြစ်များ

Māteo 17:17

He kī e Ietū: —¡E te nuꞌu pūꞌoko hio-hio manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Marko 16:14

E no-noho nō ꞌā te nuꞌu hāpī ꞌa Ietū e hoꞌe ꞌahuru mā hoꞌe ꞌi ruŋa i te ꞌamuramaꞌa, he haka takeꞌa a Ietū i a ia. He ture ia ꞌo te taꞌe haka roŋo ki te nuꞌu takeꞌa raꞌe i a ia ko ora haka ꞌou ꞌā mai te mate, he pūꞌoko hio-hio o rāua ꞌe he taꞌe ⌊haka moe i te manaꞌu⌋ ꞌi ruŋa i a ia.

Marko 9:18

Taꞌatoꞌa hora haka tere i a ia e te tātane, he ava ki ruŋa i te ꞌōꞌone, he hoa te kuta-kuta a te haha, he kiki-kiki ꞌe he ŋau i tōꞌona niho. Ko ani ꞌā a au ki te nuꞌu hāpī nei ꞌāꞌau mo haka eꞌa i te tātane mai roto i a ia, ꞌe ꞌina e rāua kai ravaꞌa.

Marko 9:20

He maꞌu ia i tū poki era. I takeꞌa era e te tātane i a Ietū, he haka kiki-kiki i rā poki, he haka hiŋa ki raro, he haka teka-teka koia ko hoa i te kuta-kuta mai roto i te haha.

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

Ruka 9:41

He kī ia e Ietū ki te taꞌatoꞌa: —¡Ko te pūꞌoko hio-hio i a kōrua, e te nuꞌu manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.

Iovani 20:27

He kī ia e Ietū ki a Tōmā: —Ka oho mai ka uꞌi tōꞌoku rima. Ka ha-haꞌo hai maŋa-maŋa rima ena ōꞌou ꞌe ꞌai ka haka toro rō mai tuꞌu rima ki roto i tōꞌoku rehe-rehe. ¡ꞌIna ko ꞌaka-ꞌaka haka ꞌou te manaꞌu; ko au mau ꞌā te meꞌe nei!