Marko 8:38 - Rapa Nui

³⁸ »Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Marko 8:38 ပူးပေါင်းရင်းမြစ်များ

Māteo 12:39

He kī a Ietū: —A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua e haŋa ꞌā mo aŋa ōꞌoku i te mana; ꞌe te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko ⌊Hōnā⌋.

Māteo 13:41

He uŋa e te Poki o te taŋata i tāꞌana merahi mo toꞌo mai roto o te haka tere iŋa ꞌāpī o te ꞌAtua i te nuꞌu haka hara i te rua ꞌe i te nuꞌu aŋa i te meꞌe taꞌe tano.

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 16:4

A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua, e haŋa ꞌā mo aŋa ōꞌoku i te mana, ꞌe, te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko Hōnā». He haka rē ia a Ietū i rā nuꞌu ꞌe he eꞌa he oho mai ira.

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Marko 13:26

»ꞌI rā hora ka takeꞌa ena i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Marko 14:62

He pāhono e Ietū: —ꞌĒ-ē, ko au. ꞌE a kōrua e takeꞌa rō i te Poki o te taŋata e noho rō ꞌana ꞌi te pāꞌiŋa mataꞌu o te ꞌAtua ꞌe i tōꞌona topa iŋa mai ꞌi ruŋa i te raŋi e tahi.

Marko 8:37

¿E ai rō ꞌana hō te rāveꞌa o te taŋata mo ꞌauhau ki te ꞌAtua mo rā ora?

Ruka 19:26

»He pāhono e tū ꞌariki era: “Te kope ꞌata rahi o te meꞌe, ꞌata rahi ka vaꞌai ena; ꞌe te kope ꞌina e tahi ꞌāꞌana meꞌe, ꞌātā ki te meꞌe manaꞌu e ia ꞌāꞌana ka hiko ena.

Ruka 9:26

»Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ꞌi ruŋa i a au tōꞌoku pūai ꞌe te pūai ꞌana-ꞌana o tōꞌoku Matuꞌa e haka vari tahi rō ꞌana e te merahi.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:51

He kī ia ki te taꞌatoꞌa: «ꞌĪ a au he kī atu: e riro rō kōrua he mataꞌite o nei ŋā meꞌe, ꞌe te nui-nui e tuꞌu rō pa he meꞌe ena: e ha-hata rō ꞌā te raŋi, ꞌe e iri ꞌe e topa rō mai ꞌā te merahi o te ꞌAtua ꞌi ruŋa i a au i te ⌊Poki o te taŋata⌋».

Iovani 12:34

He kī e te taŋata: —E hāꞌaki ena ꞌi ruŋa i te Pāpaꞌi Moꞌa: te ⌊Kiritō⌋ e ko mate ki te hora hopeꞌa. ¿Pē hē ia a koe e kī mai ena e veo rō i te Poki o te taŋata ꞌi ruŋa i te tātaurō? ¿Ko ai ia nā Poki ena o te taŋata?

Iovani 5:27

Te ꞌAtua i vaꞌai rō mai ki a au, ki te ⌊Poki o te taŋata⌋, i te parau mo kī i te meꞌe tano ꞌe i te meꞌe taꞌe tano o te taŋata.

Aŋa o te ꞌĀpōtoro 10:22

He pāhono e tū nuꞌu era: —A mātou o te kape vaꞌehau ko Koronerio i uŋa mai. A ia he taŋata aŋa i te meꞌe tī-tika, haꞌamuri ki te ꞌAtua ꞌe te hūrio e haŋa rahi rō ꞌā ki a ia. O te merahi e tahi i kī mo uŋa mai ki a koe, mo oho ōꞌou ki tōꞌona hare mo haka roŋo atu ōꞌona i taꞌa meꞌe ka kī ena.

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Rōmano 1:16

ꞌIna a au he riꞌa-riꞌa mo haka ꞌite i te ⌊roŋo riva-riva o ruŋa i a Ietū⌋. Te roŋo nei, paꞌi, he rāveꞌa pūai o te ꞌAtua mo eꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū mai roto i te ūtuꞌa o te hara. Te roŋo nei i haka ꞌite raꞌe ai ki te ⌊hūrio⌋ ꞌe, takoꞌa, ki te nuꞌu taꞌe he hūrio.

Karatia 6:14

Tāꞌaku meꞌe mau nō mo teꞌo-teꞌo he meꞌe aŋa era e Ietū Kiritō, Pūꞌoko Haka Tere o tātou. Hai mate iŋa era ōꞌona ꞌi ruŋa i te tātaurō i taꞌe ai haka ꞌou ai a au he ꞌekaravo o te meꞌe o te ao nei, ꞌe ꞌina he pūai toe o te ŋā meꞌe nei mo haka tere mai i a au.

1 Tētārōnika 2:19

Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

2 Timoteo 1:12

ꞌO ira te ꞌati e topa mai nei ki a au. Ka ai atu pē ira, ꞌina a au he riꞌa-riꞌa. Ko ꞌite ꞌana, paꞌi, e au ꞌi ruŋa i a ai a au e haka noho nei i tōꞌoku manaꞌu, ꞌe ko aŋi-aŋi riva-riva ꞌana e au e ai rō ꞌana tōꞌona pūai mo hāpaꞌo ꞌe mo hāꞌūꞌū mai i te aŋa vaꞌai mai e ia ꞌātā ki te mahana o tōꞌona hoki iŋa mai.

2 Timoteo 1:16

ꞌE mo ꞌOnetiforo ꞌe mo te nuꞌu taꞌatoꞌa o tōꞌona hare, ka ai ꞌi ruŋa i a rāua te riva rahi o te ꞌAtua. I rahi rō, paꞌi, te mahana i haka haŋu ai i tōꞌoku manaꞌu, ꞌe ꞌina kai haꞌamā ꞌo tōꞌoku puru ꞌi roto i te hare maꞌuꞌaurī.

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.

ꞌEvereo 13:13

ꞌO ira, e te taina ē, ki eꞌa tātou ki haho ki a Ietū ki ꞌamo takoꞌa i te haꞌamā ꞌamo e ia, te auraꞌa: ꞌina tātou ko maꞌu haka ꞌou i te meꞌe o te haka tere iŋa raꞌe era o te ꞌAtua ananake ko te taŋata. Ki haka moe ki oho nō tātou i te manaꞌu ꞌi ruŋa i a Ietū, nōatu te nuꞌu taꞌe haka au mai i a tātou ꞌo te peꞌe ki a ia.

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.

1 Iovani 2:23

Te kope taꞌe haŋa ki te Poki, taꞌe a ia o te ꞌAtua Matuꞌa. ꞌE te kope kī: o te Poki a ia, o te ꞌAtua Matuꞌa takoꞌa a ia.

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

Meꞌe Haka Takeꞌa 14:10

e unu rō i te ꞌava taꞌe ꞌānoꞌi o te ꞌAtua, te auraꞌa, e haka ūtuꞌa rō e te ꞌAtua hai ūtuꞌa taparahi-taꞌata. ꞌE ꞌi muꞌa o te merahi ꞌe o te Māmoe e haka māui-ui rō e te ꞌAtua hai ahi ꞌe hai azufre.