Marko 8:36 - Rapa Nui

³⁶ »¿He aha ia te hauhaꞌa mo te kope e tahi te ai i a ia te meꞌe taꞌatoꞌa o te ao, ꞌe ꞌina i a ia te ora ꞌāpī ꞌina he hopeꞌa raꞌa?

Marko 8:36 ပူးပေါင်းရင်းမြစ်များ

Māteo 16:26

»ꞌIna e tahi auraꞌa mo te taŋata ai i tāꞌana meꞌe taꞌatoꞌa haŋa o te ao nei ꞌe ꞌina i a ia te ora ꞌāpī ꞌina he hopeꞌa raꞌa. ꞌIna e tahi meꞌe mo vaꞌai ꞌo mo aŋa e te taŋata mo ꞌauhau ki te ꞌAtua mo ravaꞌa i rā ora.

Marko 8:35

Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au ꞌe mo haka ꞌite o ruŋa i te ⌊roŋo riva-riva o te ꞌAtua⌋ he ravaꞌa e ia i rā ora.

Marko 8:37

¿E ai rō ꞌana hō te rāveꞌa o te taŋata mo ꞌauhau ki te ꞌAtua mo rā ora?

Ruka 9:25

¿He aha ia te hauhaꞌa mo te kope e tahi te ai i a ia te meꞌe taꞌatoꞌa o te ao, ꞌe ꞌina i a ia te ora ꞌāpī ꞌina he hopeꞌa raꞌa?

Rōmano 6:21

ꞌI rā hora, ¿i ravaꞌa rō hō e kōrua i te meꞌe riva-riva o te hara, meꞌe haka haꞌamā i a kōrua ꞌi te hora nei ꞌe maꞌu i a kōrua ki te mate?