Marko 8:34 - Rapa Nui

³⁴ ꞌI tū hora mau era ꞌā he raŋi e Ietū ki tāꞌana nuꞌu hāpī ꞌe ki te nuꞌu haka ꞌou o muri mo haka hāhine ꞌe he kī: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Marko 8:34 ပူးပေါင်းရင်းမြစ်များ

Māteo 10:38

ꞌE te kope taꞌe haŋa mo ꞌamo i tōꞌona tātaurō, te auraꞌa, mo vaꞌai i a ia ꞌātā mo mate mo aŋa i tāꞌaku meꞌe haŋa, e ko tano takoꞌa mo taŋata hāpī ꞌāꞌaku.

Māteo 16:24

He kī ia e Ietū ki tū nuꞌu taꞌatoꞌa hāpī era ꞌāꞌana: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Māteo 27:32

I eꞌa era mai ira, he piri ki te taŋata e tahi o Tīrene te ꞌīŋoa ko Tīmona. He haka ꞌamo ki a ia i te tātaurō o Ietū.

Marko 10:21

He uꞌi a Ietū a ruŋa i rā kope ꞌe he koa. He kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Marko 7:14

I oho era he raŋi e Ietū ki te nuꞌu mo haka taka-taka ꞌe he kī: «Ka haka roŋo tahi mai kōrua ꞌe e aŋi-aŋi tāꞌaku vānaŋa ka kī atu ena:

Ruka 13:24

«E uꞌi kōrua e uru a roto i te ꞌōpani vako-vako. ꞌĪ a au he kī atu: nuꞌu rahi te nuꞌu haŋa mo uru ki roto i te ao haka tere e te ꞌAtua ꞌe nuꞌu taꞌe rahi ka oꞌo ena.

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 20:45

E noho e haka roŋo tahi ꞌā te taŋata, he kī e Ietū ki tāꞌana nuꞌu hāpī:

Ruka 9:23

I oti era he kī ki te taꞌatoꞌa: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō, paurō te mahana, i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 19:17

He haka eꞌa ia i a Ietū mai tū kona era e ꞌamo rō ꞌana i tōꞌona tātaurō mo oho ki te kona e kī era ko Korokota, te auraꞌa ꞌi te ꞌevereo: «Kona o te Pakahera Taŋata Mate».

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

1 Kōrinto 15:31

E te taina, paurō te mahana e oho nei a au mo mate ꞌi te rima o te nuꞌu taꞌe haŋa ki te ꞌAtua. Te meꞌe nei he parautiꞌa pa he parautiꞌa mau ena ꞌā o te koa ꞌi roto i a au ꞌo te ai o kōrua ꞌa Ietū Kiritō, Pūꞌoko Haka Tere o tātou.

1 Kōrinto 8:13

ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.

1 Kōrinto 9:19

A au ka taꞌe ꞌekaravo o te kope e tahi, ko haka ꞌekaravo ꞌana au i a au ki te taꞌatoꞌa mo ꞌata rahi o te taŋata haka moe i te manaꞌu ꞌi ruŋa i a Ietū.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Karatia 6:14

Tāꞌaku meꞌe mau nō mo teꞌo-teꞌo he meꞌe aŋa era e Ietū Kiritō, Pūꞌoko Haka Tere o tātou. Hai mate iŋa era ōꞌona ꞌi ruŋa i te tātaurō i taꞌe ai haka ꞌou ai a au he ꞌekaravo o te meꞌe o te ao nei, ꞌe ꞌina he pūai toe o te ŋā meꞌe nei mo haka tere mai i a au.

Fīripo 3:10

ꞌE hora nei, tāꞌaku meꞌe haŋa he māhani riva-riva he oho ōꞌoku i te ⌊Kiritō⌋ ꞌe he ŋaroꞌa ꞌi roto i a au tōꞌona aŋa iŋa mai hai pūai, pa he aŋa iŋa era o te ꞌAtua hai pūai hora haka ora era i a Ietū mai te mate. ꞌE, takoꞌa, he ꞌite ōꞌoku mo haꞌaoromaꞌi, pē ia, i te ꞌati mo aŋa i te meꞌe haŋa o te ꞌAtua, ꞌe ꞌātā mo mate ꞌo te ai ōꞌoku ꞌa Ietū Kiritō, ana haŋa te ꞌAtua.

Fīripo 3:7

Te meꞌe taꞌatoꞌa ena, meꞌe manaꞌu era e au e hauhaꞌa rō ꞌā mo tano ōꞌoku ki te mata o te ꞌAtua, hora nei, ꞌo te ai ōꞌoku ꞌa Ietū Kiritō, e ꞌite nei a au meꞌe hauhaꞌa-ꞌore.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

2 Tētārōnika 3:11

ꞌE, hora nei, ko ŋaroꞌa ꞌana e mātou pē nei ē: tētahi o kōrua e hupe-hupe rō ꞌā; te rāua meꞌe aŋa nō he haka mira-mira i te aŋa o te tētahi.

Tito 2:12

ꞌE hai riva rahi o te ꞌAtua e ai nei i a tātou i te nuꞌu ⌊haka moe i te manaꞌu⌋ ꞌi ruŋa i a Ietū te haŋa mo haka tapa mai te meꞌe taꞌe tano ꞌe mai te pohe ki te meꞌe o te ao mau nō, ꞌe te haŋa takoꞌa mo haka tere o tātou ꞌi te ao nei hai haka topa riva-riva i te manaꞌu, hai aŋa i te meꞌe tī-tika ki tōꞌona mata, ꞌe hai moꞌa ꞌe haꞌatura ki a ia,

ꞌEvereo 13:13

ꞌO ira, e te taina ē, ki eꞌa tātou ki haho ki a Ietū ki ꞌamo takoꞌa i te haꞌamā ꞌamo e ia, te auraꞌa: ꞌina tātou ko maꞌu haka ꞌou i te meꞌe o te haka tere iŋa raꞌe era o te ꞌAtua ananake ko te taŋata. Ki haka moe ki oho nō tātou i te manaꞌu ꞌi ruŋa i a Ietū, nōatu te nuꞌu taꞌe haka au mai i a tātou ꞌo te peꞌe ki a ia.

1 Pētero 4:1

Ko ꞌite ꞌana e tātou: a Ietū Kiritō i ꞌamo rō i te ꞌati ꞌi te ao nei. ꞌI roto i tōꞌona manaꞌu, paꞌi, ko haka tano era ꞌana i a ia mo aŋa pē ira, ana haŋa te ꞌAtua. ꞌO ira te tātou manaꞌu e tuꞌu pa he manaꞌu mau era ꞌā ōꞌona. Te kope manaꞌu pē ira ko hārui ꞌana hai tuaꞌivi i te hara,

1 Pētero 4:13

Te tano mau: e koa kōrua ꞌo te ꞌamo takoꞌa i te mamae tuꞌu pa he mamae ꞌamo e te ⌊Kiritō⌋, ki rahi ai te kōrua koa ꞌi te hora ka haka takeꞌa mai ena i tōꞌona nui-nui.

2 Pētero 1:14

Te tātou Pūꞌoko Haka Tere, paꞌi, ko Ietū Kiritō ko haka ꞌite mai ꞌana: e ko roa he haka rē a au i te ao nei.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.