Marko 8:33 - Rapa Nui

³³ He hārui a Ietū, he uꞌi a ruŋa i tāꞌana nuꞌu hāpī ꞌe he teka he ture ki a Pētero pē nei ē: «¡Ka haka tapa koe mai muri i a au, e Rukifero ē! ꞌIna koe he manaꞌu pa he manaꞌu o te ꞌAtua, a koe e manaꞌu ena hai manaꞌu taŋata».

Marko 8:33 ပူးပေါင်းရင်းမြစ်များ

Māteo 15:23

ꞌIna kai pāhono e Ietū. He haka hāhine ia tāꞌana nuꞌu hāpī ꞌe he ani: —Ka hāꞌūꞌū te viꞌe era ki hoki ai ki tōꞌona hare ꞌo ohu ꞌo oho nō mai ꞌi tuꞌa o tātou.

Māteo 16:23

He rori e Ietū he kī ki a Pētero: —¡Ka haka tapa koe mai muri i a au! ¡E haka ꞌaka-ꞌaka ꞌā koe i tōꞌoku manaꞌu pē Rukifero ꞌā! ꞌIna koe he manaꞌu pa he manaꞌu o te ꞌAtua, a koe e manaꞌu ena hai manaꞌu taŋata.

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Marko 3:34

He uꞌi riva-riva ki te nuꞌu o tū kona era, ꞌai ka kī haka ꞌou: —ꞌI nei takoꞌa te nuꞌu he matuꞌa vahine ꞌe he taina ōꞌoku.

Marko 3:5

I riri a Ietū i uꞌi ai ki tū nuꞌu era koia ko haka ꞌaroha ꞌi te hio-hio o te rāua māhatu. He kī ia ki tū taŋata rima rehe-rehe era: «Ka haka toro mai tuꞌu rima». I haka toro era he ora rō ꞌai tū rima era.

Ruka 22:61

He hārui a Ietū he uꞌi ki a Pētero. He topa te manaꞌu o Pētero ki tū meꞌe kī era e Ietū: «ꞌArīnā mau nei ꞌā, e ko ꞌoꞌoa hia te moa, ka kī rō ena e koe e toru kī iŋa kai ꞌite koe ko ai a au».

Ruka 4:8

He pāhono e Ietū: —Pē nei takoꞌa e kī ena ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Ruka 9:55

He rori e Ietū he ture.

1 Kōrinto 5:5

he haka rē kōrua i te taŋata ena ki te rima o Rukifero mo haka ꞌamo hai ꞌati, ki huri haka ꞌou ai i te manaꞌu ki te ꞌAtua ꞌe, ꞌi te mahana era o te hoki iŋa mai o te ⌊Kiritō⌋, he eꞌa tōꞌona vārua mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa ꞌo te huri haka ꞌou o tōꞌona manaꞌu ki te ꞌAtua.

Fīripo 3:19

Te meꞌe hopeꞌa ka topa era ki te nuꞌu era he ūtuꞌa o te ꞌAtua. He meꞌe pohe nō o te hakari te rāua ꞌatua. Te meꞌe haꞌamā he meꞌe teꞌo-teꞌo e tahi o rāua, ꞌe te rāua manaꞌu ꞌi ruŋa i te meꞌe o te ao mau nō nei.

1 Timoteo 5:20

ꞌE mo ai ko hara ꞌana ꞌe ꞌina he haka tapa mai roto i rā meꞌe, e ture ꞌi muꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ki riꞌa-riꞌa ai te tētahi nuꞌu pūꞌoko haka tere.

Tito 1:13

ꞌE he parautiꞌa. ꞌO ira, e haka pūai koe ana ture, ki tano ai te rāua haka moe iŋa i te manaꞌu ꞌi ruŋa i te ꞌAtua,

1 Pētero 4:1

Ko ꞌite ꞌana e tātou: a Ietū Kiritō i ꞌamo rō i te ꞌati ꞌi te ao nei. ꞌI roto i tōꞌona manaꞌu, paꞌi, ko haka tano era ꞌana i a ia mo aŋa pē ira, ana haŋa te ꞌAtua. ꞌO ira te tātou manaꞌu e tuꞌu pa he manaꞌu mau era ꞌā ōꞌona. Te kope manaꞌu pē ira ko hārui ꞌana hai tuaꞌivi i te hara,

1 Iovani 2:15

E te taina, ꞌina kōrua ko haŋa ki te ao haka tere hai manaꞌu taŋata ꞌe ki te meꞌe vaꞌai mai. Mo haŋa o kōrua, ꞌina ia kōrua he haŋa ki te ꞌAtua Matuꞌa

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.