Marko 7:34 - Rapa Nui

³⁴ He uꞌi a te raŋi koia ko puhi te haŋu ꞌe he kī ki rā taŋata: ¡Efata! (te auraꞌa: «¡Ka mātaki!»).

Marko 7:34 ပူးပေါင်းရင်းမြစ်များ

Marko 1:41

He haka ꞌaroha a Ietū i tū taŋata era; he haka puā hai rima he kī: —Ko haŋa ꞌana a au.

Marko 15:34

ꞌI rā hora i aꞌu a Ietū i te reꞌo i ohu ai: Eloí, Eloí, ¿lemá sabactani? (Te haꞌaauraꞌa o te vānaŋa nei: «E tōꞌoku ꞌAtua ē, e tōꞌoku ꞌAtua ē, ¿he aha a koe i haka rē ai i a au hoko tahi nō?»).

Marko 5:41

He ꞌa-ꞌaru i te rima o tū poki era ko mate ꞌā ꞌe he kī: —Talita, kumi. Te auraꞌa o te vānaŋa nei: «E vovo, ki a koe a au e kī atu ena: ka eꞌa ki ruŋa».

Marko 6:41

He toꞌo ia e Ietū i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. I oti era, he more-more i te haraoa, he vaꞌai ki tāꞌana nuꞌu hāpī mo tuhaꞌa ki te taŋata. ꞌE he tuhaꞌa takoꞌa i tū ika era.

Marko 7:35

ꞌI tū hora mau era ꞌā he ha-hata te tariŋa o tū taŋata era, ꞌe he haꞌamata he vānaŋa riva-riva rō ꞌai.

Marko 8:12

ꞌI te taꞌe au o tū vānaŋa era ki a Ietū he puhi te haŋu ꞌe he kī: «¿Ki roa toe nō hē a kōrua e haŋa ena mo aŋa ōꞌoku i te mana? ꞌĪ a au he kī atu: ꞌina e tahi mana mo aŋa atu e au».

Ruka 18:42

He kī e Ietū: —¡Nā he ora tuꞌu mata ꞌo te haka moe ōꞌou i te manaꞌu ꞌi ruŋa i te ꞌAtua!

Ruka 19:41

I hāhine i oho era a Ietū ki Hērutarema, ꞌe i takeꞌa riva-riva era, he taŋi mo rā kona.

Ruka 7:14

He haka hāhine ia ki te pāpaku, he ꞌa-ꞌaru i te raŋo ꞌe he noho te nuꞌu tupa. He kī e Ietū ki tū kope mate era: «E haŋu, ki a koe a au e kī atu ena: ¡Ka eꞌa ki ruŋa!».

Iovani 11:33

I takeꞌa era e Ietū i te rahi o te taŋi o Māria ananake ko te nuꞌu hūrio o muri, he oꞌo te māui-ui ki roto i te māhatu ꞌe he haka ꞌaroha rō atu ꞌai.

Iovani 11:35

He pariŋi te matavai o Ietū.

Iovani 11:38

He haka hāhine ia a Ietū ki te kona era ꞌi ira te hakari o Rātaro koia ko haka ꞌaroha. Te kona nei he ꞌana e puru rō ꞌā hai māꞌea nui-nui e tahi.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 11:43

I oti era te kī i tū meꞌe era, he ohu: «¡E Rātaro, ka eꞌa mai koe mai nā!».

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Aŋa o te ꞌĀpōtoro 9:34

He kī e Pētero: «E ꞌĒnea, ka eꞌa koe ki ruŋa ka hēriki tuꞌu roꞌi. Ko haka ora ꞌā koe e Ietū». ꞌI tū hora ꞌā i eꞌa ai a ꞌĒnea ki ruŋa.

Aŋa o te ꞌĀpōtoro 9:40

He haka eꞌa tahi e Pētero ki haho, ꞌe he tū-turi he pure. He uꞌi a ruŋa i tū viꞌe mate era he kī: «¡E Tavitā, ka eꞌa koe ki ruŋa!». He ꞌara te mata o tū viꞌe era. I takeꞌa era i a Pētero, he eꞌa ki ruŋa he noho.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.