Marko 7:28 - Rapa Nui

²⁸ He pāhono e rā viꞌe: —He aŋi ꞌā tāꞌau, e Ietū ē. Ka ai atu pē ira, te paiheŋa e kai takoꞌa rō ꞌā i te pārehe-rehe haraoa o raro o te ꞌamuramaꞌa haka mārere-rere e te ŋā poki.

Marko 7:28 ပူးပေါင်းရင်းမြစ်များ

Māteo 15:27

He kī e tū viꞌe era: —He aŋi ꞌā tāꞌau, e Ietū ē. Ka ai atu pē ira, te paiheŋa e kai takoꞌa rō ꞌā i te pārehe-rehe haraoa vī-viri mai ruŋa i te ꞌamuramaꞌa o te kope ꞌāꞌana rā ŋā paiheŋa.

Māteo 5:45

Pē ira he takeꞌa he poki kōrua o te kōrua Matuꞌa ꞌi te raŋi; a ia, paꞌi, e haka eꞌa ena i te raꞌā mo te nuꞌu aŋa i te meꞌe riva-riva ꞌe mo te nuꞌu aŋa i te meꞌe rake-rake, ꞌe e haka hoa ena i te ꞌua mo te nuꞌu tano ki tōꞌona mata ꞌe, takoꞌa, mo te nuꞌu taꞌe tano.

Marko 7:27

ꞌO ira a Ietū i pāhono ai hai haꞌaauraꞌa nei: —Meꞌe taꞌe tano mo hiko i te haraoa mai te ŋā poki mo vaꞌai ki te paiheŋa. E haka rē ꞌi raꞌe ki kai ki mākona te ŋā poki.

Marko 7:29

He kī e Ietū: —ꞌO te kī mai ōꞌou pē nā, ka oho riva-riva koe. Te tātane ꞌai ko eꞌa ꞌā mai roto i taꞌa poki.

Rōmano 10:12

Te meꞌe nei taꞌe mo te nuꞌu ⌊hūrio⌋ nō, mo te nuꞌu taꞌe he hūrio takoꞌa. A Ietū, paꞌi, he Pūꞌoko Haka Tere o te taꞌatoꞌa, ꞌe tōꞌona riva rahi ꞌi ruŋa i te taŋata taꞌatoꞌa ani ki a ia.

Rōmano 3:29

Hai meꞌe nei e ꞌite ena: te ꞌAtua taꞌe nō o te hūrio, o te nuꞌu taꞌe he hūrio takoꞌa, te auraꞌa, te ꞌAtua o te taŋata taꞌatoꞌa o te ao.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.