Marko 7:27 - Rapa Nui

²⁷ ꞌO ira a Ietū i pāhono ai hai haꞌaauraꞌa nei: —Meꞌe taꞌe tano mo hiko i te haraoa mai te ŋā poki mo vaꞌai ki te paiheŋa. E haka rē ꞌi raꞌe ki kai ki mākona te ŋā poki.

Marko 7:27 ပူးပေါင်းရင်းမြစ်များ

Māteo 10:5

He uŋa ia e Ietū i te nuꞌu nei e hoꞌe ꞌahuru mā piti koia ko kī: «ꞌIna kōrua ko oho ki te kona noho o te nuꞌu taꞌe he hūrio ꞌe ki te kona taꞌatoꞌa o te tāmāria.

Māteo 7:6

»ꞌIna kōrua ko hāpī ko oho i te vānaŋa moꞌa o te ꞌAtua ki te nuꞌu te rāua aŋa nō he taꞌe haŋa mo haka roŋo ki rā vānaŋa. A rāua pa he paiheŋa taehae ꞌā, ka hoa atu hai meꞌe hauhaꞌa, e ŋau nō atu i a kōrua. A rāua takoꞌa pa he oru ꞌā, ka hoa atu hai meꞌe hauhaꞌa pa he poe, e rei-rei nō.

Marko 7:26

He ani ki a Ietū mo haka eꞌa i te tātane mai roto i tāꞌana poki. Te viꞌe nei taꞌe he hūrio, a ia o te kona ko Tirofenitia o Tīria.

Marko 7:28

He pāhono e rā viꞌe: —He aŋi ꞌā tāꞌau, e Ietū ē. Ka ai atu pē ira, te paiheŋa e kai takoꞌa rō ꞌā i te pārehe-rehe haraoa o raro o te ꞌamuramaꞌa haka mārere-rere e te ŋā poki.

Aŋa o te ꞌĀpōtoro 22:21

»He kī mai e Ietū: “Ka oho nō; ꞌī a au he uŋa i a koe ki te nuꞌu taꞌe he hūrio noho ꞌi te ŋā henua ena e roa rō ꞌā mai nei”».

Rōmano 15:8

ꞌIna ko rehu i a kōrua: a Ietū i oho mai ai mo tāvini ki te ⌊hūrio⌋, mo tano o te hōrea vaꞌai era ki te mātou tupuna ꞌi muꞌa ꞌā, ꞌe mo haka takeꞌa: te ꞌAtua e haka tano rō ꞌana i tāꞌana hōrea.

Ēfeto 2:12

ka haka topa te kōrua manaꞌu: ꞌi muꞌa ꞌana, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, taꞌe kōrua ꞌa Ietū Kiritō, ꞌe e topa kē rō ꞌana mai te itaraera. Te ⌊haka tere iŋa o te ꞌAtua ananake ko te taŋata⌋ ꞌe te meꞌe taꞌatoꞌa hōrea e ia mo te itaraera kai ai ꞌana, ꞌi rā hora, mo kōrua. E noho era kōrua ꞌina he ꞌite ko ai te ꞌAtua parautiꞌa, ꞌe ꞌina he manaꞌu pē nei ē: e ai rō ꞌō te meꞌe riva-riva mo kōrua pe muꞌa ka oho ena.