Marko 7:21 - Rapa Nui

²¹ Mai roto, paꞌi, e eꞌa ena te ŋā meꞌe nei: he manaꞌu rake-rake, he piri tane taꞌatoꞌa taꞌe haꞌatiꞌa e te ꞌAtua, he toke, he tiŋaꞌi he haka mate i te taŋata,

Marko 7:21 ပူးပေါင်းရင်းမြစ်များ

Māteo 15:19

Mai roto i te māhatu o te taŋata, paꞌi, e eꞌa ena te manaꞌu rake-rake, te tiŋaꞌi te haka mate i te taŋata, te taiꞌata, te piri tane taꞌatoꞌa taꞌe haꞌatiꞌa e te ꞌAtua, te toke, te reo-reo, ꞌe te vā-vā.

Māteo 9:4

ꞌI te ꞌite o Ietū i te manaꞌu o rā nuꞌu, he ꞌui: «¿He aha kōrua e manaꞌu rake-rake ena?

Marko 7:20

He kī takoꞌa: «He meꞌe rake-rake eꞌa mai roto i te māhatu te meꞌe haka taꞌe tano i te taŋata ki te mata o te ꞌAtua.

Marko 7:22

he taiꞌata, he nou-nou, he aŋa i te meꞌe taꞌe tano, he reo-reo, he pohe ki te viꞌe ki te tane taꞌe ꞌāꞌana, he mākota i te meꞌe o te rua, he haꞌaꞌino, he haka paka i a ia ꞌe he aŋa i te meꞌe maꞌa-maꞌa.

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Aŋa o te ꞌĀpōtoro 5:4

¿Taꞌe ꞌō ōꞌou rā henua? I hoꞌo era, ¿taꞌe ꞌō ōꞌou rā moni? ¿He aha koe i aŋa ai i te meꞌe ena? Taꞌe ki te taŋata koe i reo-reo ai, ki te ꞌAtua.

Aŋa o te ꞌĀpōtoro 8:22

Ka haka rē tuꞌu manaꞌu taꞌe tano ꞌe ka pure ki te ꞌAtua koiꞌite e haka kore rō e ia i tuꞌu hara ꞌo te manaꞌu pē nā.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

Rōmano 7:8

Mo taꞌe ai, paꞌi, o te haka tere iŋa mo haꞌatura, te hara he meꞌe mate. Te ꞌati nō, he toꞌo mai e te huru hara ōꞌoku i te roŋo nei «ꞌina ko nou-nou», he haka poreko ꞌi roto i a au i te nou-nou mo te meꞌe rahi nō atu meꞌe.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

Tanatiako 2:4

Mo aŋa o kōrua pē ira, e haꞌataꞌa ꞌā i te taŋata ꞌe e uꞌi ꞌana hai manaꞌu taꞌe tano.