42 He ka-kai tahi tū nuꞌu taꞌatoꞌa era ka mākona rō.
He toꞌo ia e Ietū i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. I oti era, he more-more i te haraoa, he vaꞌai ki tāꞌana nuꞌu hāpī mo tuhaꞌa ki te taŋata. ꞌE he tuhaꞌa takoꞌa i tū ika era.
I oti era he haꞌaꞌī e hoꞌe ꞌahuru mā piti kānato o te pārehe-rehe topa.
He ka-kai tahi tū nuꞌu era ki te mākona, ꞌe i runu era i te pārehe-rehe topa, he ꞌī e hoꞌe ꞌahuru mā piti kānato.
I mākona tahi era, he kī e Ietū ki tāꞌana nuꞌu hāpī: «Ka runu tahi mai te pārehe-rehe topa ena ꞌo māuꞌa rō».
