Marko 6:41 - Rapa Nui

⁴¹ He toꞌo ia e Ietū i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. I oti era, he more-more i te haraoa, he vaꞌai ki tāꞌana nuꞌu hāpī mo tuhaꞌa ki te taŋata. ꞌE he tuhaꞌa takoꞌa i tū ika era.

Marko 6:41 ပူးပေါင်းရင်းမြစ်များ

Māteo 14:19

He kī takoꞌa ki te taŋata taꞌatoꞌa mo no-noho ꞌi ruŋa i te mauku. I oti era he toꞌo i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. He more-more ia i tū ŋā meꞌe era, he vaꞌai ki te nuꞌu hāpī ꞌāꞌana, ꞌe he tuhaꞌa e rāua ki te taŋata.

Māteo 15:36

He toꞌo i tū ŋā haraoa era e hitu ꞌe i tū ŋā ika era, he māuru-uru ki te ꞌAtua, he more-more he vaꞌai ki tāꞌana nuꞌu hāpī, ꞌe o rāua i tuhaꞌa ki te taŋata.

Māteo 26:26

E ka-kai nō ꞌana ananake, he toꞌo e Ietū i te haraoa e tahi, he māuru-uru ki te ꞌAtua, he more-more, he tuhaꞌa ki tāꞌana nuꞌu hāpī ꞌe he kī: «Ka kai kōrua i te haraoa ena; he hakari ōꞌoku».

Marko 14:22

E ka-kai nō ꞌā, he toꞌo e Ietū i te haraoa, he māuru-uru ki te ꞌAtua, he more-more ꞌe he tuhaꞌa ki tāꞌana nuꞌu hāpī he kī: «Ka kai kōrua i te haraoa ena; he hakari ōꞌoku».

Marko 6:40

Pē ira i no-noho ai e pae ꞌahuru ꞌe e hoꞌe hānere taŋata ka tahi nūnaꞌa.

Marko 6:42

He ka-kai tahi tū nuꞌu taꞌatoꞌa era ka mākona rō.

Marko 7:34

He uꞌi a te raŋi koia ko puhi te haŋu ꞌe he kī ki rā taŋata: ¡Efata! (te auraꞌa: «¡Ka mātaki!»).

Marko 8:19

I tuhaꞌa era i te haraoa e rima ki te taŋata e pae taꞌutini, ¿e hia kānato i ꞌī e te pārehe-rehe topa? He pāhono e rā nuꞌu: —E hoꞌe ꞌahuru mā piti.

Ruka 24:30

I noho era ꞌi ruŋa i te ꞌamuramaꞌa mo kai, he toꞌo e Ietū i te haraoa ki tōꞌona rima, he māuru-uru ki te ꞌAtua, he mo-more ꞌe he vaꞌai ki rā ŋā kope.

Ruka 9:16

He toꞌo ia a Ietū i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua, he more-more ꞌe he vaꞌai ki tāꞌana nuꞌu hāpī mo tuhaꞌa.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 6:11

He toꞌo ia e Ietū i tū haraoa era ki te rima ꞌe ki oti te māuru-uru ki te ꞌAtua, he tuhaꞌa ki te nuꞌu taꞌatoꞌa. Pē ira takoꞌa i aŋa ai i te ika, ꞌe he vaꞌai ki te taꞌatoꞌa rahi nō era o rāua i haŋa.

Iovani 6:23

ꞌĪ ia te tētahi nuꞌu o Tīvēria ko tuꞌu ꞌā a ruŋa i te vaka ki te kona e tahi hāhine ki tū kona kai era i te haraoa ki oti a Ietū te māuru-uru ki te ꞌAtua.

Aŋa o te ꞌĀpōtoro 27:35

I kī era i te meꞌe nei, he toꞌo a Pauro i te haraoa ki tōꞌona rima, he māuru-uru ki te ꞌAtua ꞌi muꞌa o tū nuꞌu taꞌatoꞌa era, he mo-more ꞌe he haꞌamata he kai.

Rōmano 14:6

Te kope haꞌamuri ki te ꞌAtua ꞌi te mahana manaꞌu e ia he mahana ꞌata hauhaꞌa mo haꞌamuri, mōꞌona he rāveꞌa e tahi mo moꞌa i te ꞌAtua. ꞌE te kope kai i te taꞌatoꞌa meꞌe ai mo kai ꞌi te manaꞌu ꞌina e tahi kai taꞌe haꞌatiꞌa e te ꞌAtua mo kai, mōꞌona he rāveꞌa takoꞌa mo moꞌa i te ꞌAtua, ꞌe he māuru-uru o ruŋa. Te kope e ai rō ꞌana tāꞌana meꞌe taꞌe kai, te taꞌe kai era ōꞌona i rā meꞌe he rāveꞌa e tahi mo haꞌamuri ki te ꞌAtua, ꞌe he māuru-uru takoꞌa o ruŋa.

1 Kōrinto 10:31

E te taina, te tano mau: te meꞌe taꞌatoꞌa ena o kōrua mo aŋa, ꞌātā mo kai ꞌe mo unu, e aŋa tahi mo koa o te ꞌAtua ꞌe mo ꞌata moꞌa o te taŋata i a ia.

Kōrosa 3:17

Te meꞌe taꞌatoꞌa kī ꞌe aŋa e kōrua, e tano o te nuꞌu ꞌa Ietū Kiritō. ꞌE e māuru-uru e oho ki te ꞌAtua Matuꞌa mo te meꞌe taꞌatoꞌa aŋa e Ietū mo kōrua.