Marko 6:34 - Rapa Nui

³⁴ I topa era a Ietū mai ruŋa i te vaka, he takeꞌa i te rahi o te taŋata e tiaki ꞌā ki a ia. He haka ꞌaroha ꞌi rā nuꞌu; e tuꞌu rō ꞌana, paꞌi, pa he māmoe ꞌina he taŋata mo hāpaꞌo. He haꞌamata ia a Ietū he hāpī meꞌe rahi nō atu meꞌe o ruŋa i te ⌊haka tere iŋa ꞌāpī o te ꞌAtua⌋.

Marko 6:34 ပူးပေါင်းရင်းမြစ်များ

Māteo 14:14

I topa era a Ietū mai ruŋa i te vaka, he takeꞌa i te rahi o te nuꞌu; he haka ꞌaroha i a rāua ꞌe he haka ora i te nuꞌu māui-ui maꞌu ki a ia.

Māteo 15:32

He raŋi e Ietū ki tāꞌana nuꞌu hāpī ꞌe he kī: —Ko haka ꞌaroha ꞌana a au i te nuꞌu nei. Ka toru mahana o rāua ꞌi muri i a tātou ꞌe ꞌina he meꞌe toe o rāua mo kai. Kai haŋa a au mo haka oho ki te rāua hare kai kai hia ꞌo re-rehu rō ꞌi te ara.

Māteo 9:36

I uꞌi era e Ietū i te taŋata, he haka ꞌaroha; e tuꞌu rō ꞌana pa he māmoe ꞌina he taŋata mo hāpaꞌo i a rāua, ko rohi-rohi ꞌana ꞌe ꞌina he haŋu toe.

Marko 6:33

Meꞌe rahi nō atu nuꞌu i takeꞌa i te oho iŋa, ꞌe ko aŋi-aŋi ꞌā ko ai rā nuꞌu. ꞌO ira, mai te kona taꞌatoꞌa i tāhuti i oho ai te taŋata ki te kona ki ira e oho era a kuā Ietū, ꞌe ꞌi raꞌe ꞌā i tuꞌu ai.

Marko 6:35

Pe te ahi-ahi, he haka hāhine ki a Ietū tū nuꞌu hāpī era ꞌāꞌana he kī: —E Ietū, ko ahi-ahi ꞌā ꞌe te kona nei kona taꞌe noho taŋata.

Marko 8:1

ꞌI te mahana e tahi ko taka-taka haka ꞌou ꞌā te taŋata ꞌi muri i a Ietū, ꞌe ꞌina he meꞌe toe o rāua mo kai. He raŋi e Ietū ki tāꞌana nuꞌu hāpī mo haka hāhine ꞌe he kī:

Marko 8:2

—Ko haka ꞌaroha ꞌana a au ꞌi te nuꞌu nei; ka toru mahana o rāua ꞌi muri i a tātou ꞌe ꞌina he meꞌe toe o rāua mo kai.

Ruka 9:11

I ꞌite era e te taŋata, he eꞌa he oho takoꞌa ki ira. He noho ia a Ietū he vānaŋa o ruŋa o te haka tere iŋa ꞌāpī o te ꞌAtua ꞌe he haka ora i te nuꞌu māui-ui.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.