Marko 6:20 - Rapa Nui

²⁰ A ꞌErore e riꞌa-riꞌa rō ꞌana i a Iovani. Ko ꞌite ꞌana he taŋata moꞌa ꞌe aŋa i te meꞌe tī-tika ki te mata o te ꞌAtua. ꞌO ira e hāpaꞌo era. He mira-mira nō te manaꞌu o ꞌErore e ŋaroꞌa era i te vānaŋa ꞌa Iovani. ꞌE, ka ai atu pē ira, ko te haka roŋo iŋa ꞌā hai māhatu.

Marko 6:20 ပူးပေါင်းရင်းမြစ်များ

Māteo 14:5

A ꞌErore e haŋa rō ꞌā mo tiŋaꞌi i a Iovani. Te meꞌe nō, e riꞌa-riꞌa rō ꞌā ꞌi te nuꞌu; taꞌatoꞌa nō, paꞌi, e manaꞌu era a Iovani he perofeta.

Māteo 21:26

ꞌE, e ko tano tātou mo kī: “O te taŋata i uŋa mai”. E riꞌa-riꞌa rō ꞌana, paꞌi, a tātou ꞌi te nuꞌu; a rāua taꞌatoꞌa e manaꞌu ena a Iovani he perofeta».

Marko 11:18

I ŋaroꞌa era i te meꞌe nei e te nuꞌu ⌊oromatuꞌa ra-rahi⌋ ꞌe e te nuꞌu ⌊maꞌori o te haka tere hūrio⌋, he uꞌi i te rāveꞌa mo tiŋaꞌi mo haka mate i a Ietū. A rāua, paꞌi, e riꞌa-riꞌa rō ꞌana ꞌo te ai he haka roŋo te taŋata i te meꞌe hāpī e Ietū.

Marko 4:16

»E ai takoꞌa rō ꞌana te nuꞌu pē tū kona papa ꞌōꞌone taꞌe rahi era: a rāua e haka roŋo rō ꞌana i te vānaŋa o te ꞌAtua ꞌe e toꞌo rō ꞌā mo rāua hai koa.

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

Aŋa o te ꞌĀpōtoro 2:12

Ko māere tahi ꞌā ananake. ꞌIna he ꞌite pē hē ana manaꞌu, ꞌe he ꞌui ki a rāua ꞌā: «¿He aha te haꞌaauraꞌa o te ŋā meꞌe taꞌatoꞌa nei?».

Aŋa o te ꞌĀpōtoro 5:24

I ŋaroꞌa era i rā meꞌe e te kape o te ꞌauario o te Kona Haꞌamuri ꞌAtua ꞌe e te nuꞌu oromatuꞌa ra-rahi, he kī ki a rāua ꞌā: «¿Pē hē ka hopeꞌa ena te meꞌe nei?».