Marko 6:14 - Rapa Nui

¹⁴ Te ꞌariki ko ⌊ꞌErore⌋ ko ŋaroꞌa ꞌā i te vānaŋa o ruŋa i a Ietū. ꞌI te kona taꞌatoꞌa, paꞌi, e vānaŋa era te nuꞌu o ruŋa. Tētahi e kī era: «Ko Iovani Papatito ko ora ꞌā mai te mate, ꞌo ira e pūai era mo aŋa i te mana».

Marko 6:14 ပူးပေါင်းရင်းမြစ်များ

Māteo 9:31

ꞌE, ka ai atu pē ira, te meꞌe raꞌe i aŋa i eꞌa ai mai rā kona, he ꞌaꞌamu a te kona taꞌatoꞌa i tū meꞌe aŋa era e Ietū.

Marko 1:28

ꞌE kai roa te parau ꞌāpī o ruŋa i a Ietū i tuꞌu ai ki te kona taꞌatoꞌa o Karirea.

Marko 1:45

Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Marko 8:28

He pāhono: —E ai rō ꞌā te nuꞌu kī ko Iovani Papatito a koe. E ai takoꞌa rō ꞌā te nuꞌu kī ko te perofeta era ko ꞌĒria. ꞌE e ai rō ꞌā te nuꞌu kī he perofeta e tahi o roto o te ŋā perofeta era o muꞌa ꞌā.

Ruka 13:31

He tuꞌu ia te tētahi nuꞌu ⌊fariseo⌋ he kī ki a Ietū: —Ka oho koe mai nei. Te ꞌariki era ko ⌊ꞌErore⌋ e haŋa rō ꞌana mo tiŋaꞌi i a koe.

Ruka 3:1

ꞌI te hoꞌe ꞌahuru mā pae matahiti o te haka tere o te ꞌariki rōmano ko Tiverio, ko Pontio Pirato te suerekao o Hūrea. ꞌA ⌊ꞌErore⌋ te haka tere a Karirea, ꞌa Feripe, taina ōꞌona, a Iturea ꞌe a Tarakonite, ꞌe ꞌa Ritania te haka tere te kona era ko Avirene.

Ruka 7:17

Te taŋata taꞌatoꞌa o Hūrea ꞌe o te kona taꞌatoꞌa hāhine ki ira he ꞌite o ruŋa i tū meꞌe aŋa era e Ietū.

Ruka 9:19

He pāhono e rā nuꞌu: —E ai rō ꞌā te nuꞌu kī ko Iovani Papatito, e ai rō ꞌana te tētahi nuꞌu kī ko ꞌĒria, ꞌe e ai takoꞌa rō ꞌana te nuꞌu kī he perofeta haka ꞌou e tahi o te ŋā perofeta era o muꞌa ꞌā ora mai mai te mate.

1 Tētārōnika 1:8

Hai kōrua te roŋo riva-riva o ruŋa i a Ietū Kiritō i ꞌite i oho ai a te kona taꞌatoꞌa o Mātērōnia ꞌe o Ākāia, ꞌe taꞌe nō a te ŋā kona nei, a te kona taꞌatoꞌa. Te nuꞌu o te ŋā kona nei e ꞌite rō ꞌana pē nei ē: e haka moe rō ꞌana kōrua i te manaꞌu ꞌi ruŋa i te ꞌAtua. ¿Mo aha ia a mātou ana vānaŋa haka ꞌou o ruŋa i a kōrua ki a rāua? Taꞌe he parau ꞌāpī mo te nuꞌu era.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.