Marko 5:7 - Rapa Nui

⁷ ꞌe, i toꞌo te reꞌo ki roto era, i kī ai: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Marko 5:7 ပူးပေါင်းရင်းမြစ်များ

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Māteo 4:3

He haka hāhine ia a Rukifero he kī: —Ē, a koe he Poki o te ꞌAtua, ¿he aha rā koe e taꞌe haka riro ena i te ŋā māꞌea nei he haraoa?

Māteo 8:29

He haꞌamata e te tātane he ohu: —¡E te Poki o te ꞌAtua ē! ¿He aha taꞌa meꞌe haŋa i a mātou? ¿I oho mai ai koe mo tōtōā mai kai tano hia ꞌā te hora?

Marko 1:24

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Marko 14:61

I mou nō a Ietū; ꞌina kai pāhono. He ꞌui haka ꞌou e tū oromatuꞌa hopeꞌa era o te ra-rahi: —¿He Kiritō koe, he Poki o te ꞌAtua?

Marko 3:11

ꞌE te tātane oꞌo ki roto i te hakari o te nuꞌu, e takeꞌa era i a Ietū, he haka tū-turi i rā nuꞌu ꞌi muꞌa o Ietū koia ko kī pūai: «¡Ko koe te Poki o te ꞌAtua!».

Marko 5:6

I takeꞌa era mai kōnui ꞌā ko Ietū, he tahuti he tū-turi ꞌi muꞌa,

Marko 5:8

I kī ai pē ira e te tātane ꞌo te kī e Ietū: «¡Ka eꞌa koe mai roto i te taŋata ena!».

Ruka 1:32

E riro rō a ia he taŋata hōnui; e kī rō he Poki o te ꞌAtua. ꞌE, pa he haka ꞌariki iŋa era o te ꞌAtua i tōꞌona tupuna i a Tāvita, ka haka ꞌariki takoꞌa ena i a ia.

Ruka 4:34

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Ruka 8:28

I takeꞌa era i a Ietū, he tū-turi ꞌi muꞌa koia ko ohu: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Aŋa o te ꞌĀpōtoro 16:17

Te aŋa o nei poki he oho mai ꞌi tuꞌa o mātou ko kuā Pauro koia ko ohu: «¡Te ŋāŋata nei he tāvini o te ꞌAtua, kope haka tere i te meꞌe taꞌatoꞌa o te ao. E haka ꞌite atu ꞌā i te ara mo eꞌa o kōrua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua!».

Aŋa o te ꞌĀpōtoro 19:13

I ai rō te tētahi nuꞌu hūrio te aŋa he oho ki kona era ki kona era he haka eꞌa he oho i te tātane mai roto i te nuꞌu. ꞌI te haŋa mo haka eꞌa i te tātane hai ꞌīŋoa o Ietū he meꞌe: «¡He kī atu a mātou hai Ietū, kope haka ꞌite e Pauro, ka eꞌa kōrua ki haho!».

Aŋa o te ꞌĀpōtoro 8:36

E oho nō ꞌā a te ara, he tuꞌu ki te kona vai e tahi ꞌe he kī e tū taŋata etiopia era: —Nā te vai nā. ¿E ai rō ꞌā hō te meꞌe mo taꞌe haꞌatiꞌa mo papatito i a au? [

Rōmano 16:20

Pē ira e ko roa he toꞌo mai e te ꞌAtua, vaꞌai i te haumārū, he haka hēpiꞌi i a Rukifero ꞌi raro i te kōrua vaꞌe. Ka ai ꞌi ruŋa i a kōrua te riva rahi o Ietū, he Pūꞌoko Haka Tere o tātou.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

ꞌEvereo 7:1

Te taŋata nei ko Merekitereke he ꞌariki o te kona era ko Tārema, ꞌe he oromatuꞌa o te ꞌAtua o te raŋi. Hora hoki mai era o ⌊ꞌAparahama⌋ mai te tamaꞌi, rē era ki te ꞌariki hoko hā, he piri a Merekitereke ꞌe he haꞌamaitai.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 12:12

¡E te meꞌe noho ꞌi te raŋi ē, ka koa kōrua! ¡ꞌE, ko te ꞌaroha i a kōrua, e te meꞌe o ruŋa i te henua ꞌe o roto i te vaikava ē, nā ko topa atu ꞌā a Rukifero ko ꞌata riri atu ꞌā ꞌi te ꞌite ꞌina ōꞌona hora toe!».