Marko 5:36 - Rapa Nui

³⁶ Kai tapa atu a Ietū ki te vānaŋa o rā nuꞌu, i kī nō ki a Hairo: —ꞌIna koe ko riꞌa-riꞌa; ka haka moe nō tuꞌu manaꞌu ꞌi ruŋa i a au.

Marko 5:36 ပူးပေါင်းရင်းမြစ်များ

Māteo 17:20

He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 9:18

E vānaŋa nō ꞌana a Ietū ki te nuꞌu, he tuꞌu e tahi taŋata hōnui o te ⌊hūrio⌋, he tū-turi ꞌi muꞌa ꞌe he kī: «Mate iho nō tāꞌaku poki vahine; mo oho mai ōꞌou mo haka puā i tuꞌu rima ki a ia, he ora haka ꞌou».

Marko 5:22

He tuꞌu ia e tahi o te nuꞌu pūꞌoko haka tere o te ⌊hare pure hūrio⌋ te ꞌīŋoa ko Hairo. I takeꞌa era i a Ietū, he tū-turi ꞌi muꞌa

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Marko 9:23

He kī e Ietū: —¿He aha te vānaŋa ena: «mo ai e ravaꞌa rō e koe»? ¡Taꞌatoꞌa meꞌe e ravaꞌa nō e te kope haka moe i te manaꞌu ꞌi ruŋa i te ꞌAtua!

Ruka 8:50

I ŋaroꞌa era e Ietū he kī: —ꞌIna ko riꞌa-riꞌa; ka haka moe nō mai koe i tuꞌu manaꞌu ꞌi ruŋa i a au he ora taꞌa poki.

Iovani 11:40

He kī haka ꞌou e Ietū: —¿Kai kī atu ꞌō e au, mo haka moe mai ōꞌou i tuꞌu manaꞌu ꞌi ruŋa i a au, he takeꞌa e koe i te pūai o te ꞌAtua?