Marko 5:35 - Rapa Nui

³⁵ E vānaŋa nō ꞌā a Ietū ki rā viꞌe, he tuꞌu te nuꞌu mai te hare o Hairo he kī ki a ia: —Ko mate ꞌana taꞌa poki. ¿Ki te aha nō a Ietū ana oho atu?

Marko 5:35 ပူးပေါင်းရင်းမြစ်များ

Māteo 26:10

He ꞌite e Ietū ꞌe he kī: —¿He aha kōrua e hēŋuꞌi-ŋuꞌi ena mo te viꞌe nei? ꞌĪ e aŋa mai ꞌā i te meꞌe riva-riva mōꞌoku.

Māteo 26:18

He pāhono e Ietū: —Ka oho ki Hērutarema, ki te hare o te kope ko ꞌite ꞌā e kōrua ko ai, ꞌai ka kī rō: «Te kī o te Maꞌori: “Ko hāhine ꞌana tōꞌoku hora. ꞌĪ a au he oho atu ki tuꞌu hare ananake ko tāꞌaku nuꞌu hāpī mo aŋa i te ŋoŋoro o te Pakate”».

Māteo 9:18

E vānaŋa nō ꞌana a Ietū ki te nuꞌu, he tuꞌu e tahi taŋata hōnui o te ⌊hūrio⌋, he tū-turi ꞌi muꞌa ꞌe he kī: «Mate iho nō tāꞌaku poki vahine; mo oho mai ōꞌou mo haka puā i tuꞌu rima ki a ia, he ora haka ꞌou».

Marko 10:17

I eꞌa era a Ietū mo oho ꞌi tōꞌona ara, he tuꞌu e tahi taŋata e tahuti rō ꞌā, he tū-turi ꞌi muꞌa ꞌe he ꞌui: —E te Maꞌori riva ē, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Marko 5:22

He tuꞌu ia e tahi o te nuꞌu pūꞌoko haka tere o te ⌊hare pure hūrio⌋ te ꞌīŋoa ko Hairo. I takeꞌa era i a Ietū, he tū-turi ꞌi muꞌa

Ruka 8:49

E vānaŋa nō ꞌana a Ietū i tuꞌu ai te roŋo ꞌe he kī ki tū taŋata pūꞌoko haka tere era o te hare pure hūrio: —Ko mate ꞌana taꞌa poki; ꞌina ko maꞌu tahaŋa te Maꞌori.

Iovani 11:21

He kī e Maratuka ki a Ietū: —E Ietū, ꞌāhani a koe ꞌi nei, e ko mate tōꞌoku taina.

Iovani 11:25

He kī ia e Ietū: —Ko au te meꞌe haka ora i te taŋata mai te mate. ꞌE ko au te meꞌe vaꞌai i te ora. Te taŋata ⌊haka moe i te manaꞌu⌋ ꞌi ruŋa i a au, ka mate atu, e ora haka ꞌou nō.

Iovani 11:28

I oti era a Maratuka i te kī i te meꞌe nei, he hoki ki muri i tū taina era ōꞌona ko Māria ꞌe he hāꞌumu-ꞌumu: «ꞌĪ te Maꞌori ꞌi nei. Ko kī mai ꞌana mo oho ōꞌou».

Iovani 11:32

I tuꞌu era a Māria ki tū kona era ꞌi ira a Ietū, he tū-turi he kī: —E te Maꞌori, ꞌāhani koe ꞌi nei, e ko mate tōꞌoku taina.

Iovani 11:39

He kī e Ietū: —Ka ketu te māꞌea ena. He pāhono e Maratuka: —E Ietū, ka hā mahana o te mate; ko piro atu ꞌā e noho mai ena.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.