Marko 5:23 - Rapa Nui

²³ ꞌe he ani: —E Ietū ē, he mate tāꞌaku poki. Ka oho mai koe ka haka puā i tuꞌu rima ki a ia mo ora o tōꞌona māui-ui ꞌo mate.

Marko 5:23 ပူးပေါင်းရင်းမြစ်များ

Māteo 8:3

He haka puā e Ietū hai rima ꞌe he kī: —Ko haŋa ꞌana a au. ¡Ka ora! ꞌI tū hora mau era ꞌā he maꞌitaki te rēpera o tū taŋata era.

Marko 16:18

Mo ꞌa-ꞌaru tāꞌue i te kōreha veneno, ꞌe mo unu tāꞌue i te veneno, e ko ꞌati a rāua. ꞌE ꞌātā e ai rō te mana vaꞌai e te ꞌAtua, ka haka puā era hai rima ki te nuꞌu māui-ui, he ora rō ꞌai».

Marko 5:24

He eꞌa a Ietū he oho ꞌi muri i a Hairo, ꞌe meꞌe rahi nuꞌu i oho takoꞌa. ꞌE ꞌi te rahi, ko piri ꞌā e oho era ananake.

Marko 6:13

ꞌE, takoꞌa, i haka eꞌa rō mai roto i te taŋata meꞌe rahi nō atu tātane, ꞌe meꞌe rahi nuꞌu māui-ui i paru ꞌiti-ꞌiti hai mōrī ꞌe i haka ora.

Marko 7:32

ꞌI ira i maꞌu ai e te nuꞌu ki a Ietū i te taŋata tariŋa pō ꞌarero poto-poto, ꞌe he kī mo haka puā hai rima.

Marko 8:23

He ꞌa-ꞌaru e Ietū i tū taŋata era a te rima he hāꞌere he oho ararua ki haho o Vetetaira. He haka rari i te mata hai ꞌā-ꞌanu ꞌe he haka puā hai rima. I oti era he ꞌui e Ietū: —¿E takeꞌa rō ꞌā koe i te meꞌe?

Ruka 13:13

He haka eke a Ietū i tōꞌona rima ki ruŋa o rā viꞌe. ꞌI tū hora ꞌā he māroa riva-riva ꞌe he haꞌamata he haꞌahana-hana ki te ꞌAtua.

Ruka 4:38

He eꞌa a Ietū mai tū hare pure era, he oho ki te hare o Tīmona. Te māmā huŋavai o Tīmona e māui-ui rō ꞌā, ko hū ꞌā te hakari ꞌi te māui-ui. He ani e te nuꞌu ki a Ietū mo haka ora.

Ruka 4:40

I ŋaro era te raꞌā o rā mahana haka ora era, he eꞌa te taŋata taꞌatoꞌa ai o te rāua nuꞌu māui-ui he maꞌu ki a Ietū. ꞌE, ka ai atu huru kē huru kē te rāua māui-ui, he haka puā e Ietū hai rima ꞌe he ora rō ꞌai.

Ruka 7:12

I hāhine era ki rā kona, he takeꞌa e maꞌu ꞌā te nuꞌu i te pāpaku mo tanu, he kope ko ia mau nō te poki o te viꞌe hove e tahi. Meꞌe rahi te nuꞌu o rā kona oho ꞌi muri i rā viꞌe.

Iovani 11:3

I māui-ui era a Rātaro, he uŋa e te ŋā taina nei mo kī ki a Ietū: te repahoa haŋa rahi era ōꞌona ko Rātaro ko māui-ui ꞌā.

Aŋa o te ꞌĀpōtoro 28:8

Te matuꞌa tane o nei taŋata e moe rō ꞌana ꞌi ruŋa i te roꞌi, ko māui-ui ꞌā ꞌi te māui-ui he hū o te hakari ꞌe he hī. He oho e Pauro he uꞌi. He pure ia ki te ꞌAtua mo te ora o rā taŋata, he haka puā hai rima, ꞌe he ora rō ꞌai tōꞌona māui-ui.

Aŋa o te ꞌĀpōtoro 6:6

He maꞌu e tū ŋā taina era i rā ŋāŋata ki muꞌa o te ꞌāpōtoro. He pure ia e te ꞌāpōtoro koia ko haka eke i te rima ki ruŋa ꞌe he haꞌamaitai.

Aŋa o te ꞌĀpōtoro 8:17

He haka eke ia a Pētero ꞌe a ⌊Iovani⌋ i te rāua rima ki te pūꞌoko, ꞌe pē ira i topa ai te Vārua Maitai ꞌi ruŋa i a rāua.

Aŋa o te ꞌĀpōtoro 9:12

ꞌe ꞌi roto i te meꞌe haka takeꞌa e te ꞌAtua i takeꞌa ai i a koe, e ꞌĀnānia ē, e uru e haka eke ꞌā i te rima ki ruŋa i a ia mo māꞌeha o te mata mo takeꞌa haka ꞌou.

Aŋa o te ꞌĀpōtoro 9:17

He eꞌa ia he oho a ꞌĀnānia ki tū hare era ꞌi ira a Sauro. I uru era he haka eke i tōꞌona rima ki ruŋa he kī: «E te taina, ko uŋa mai ꞌana a au e Ietū takeꞌa era e koe ꞌi te ara, mo haka ora atu i tuꞌu mata ꞌe mo ꞌī ōꞌou e te pūai o te ⌊Vārua Maitai⌋».