Marko 5:14 - Rapa Nui

¹⁴ Te nuꞌu hāpaꞌo i rā ŋā oru he eꞌa he tē-tere ki te kona nūnaꞌa hare. He ꞌaꞌamu ꞌi ira ꞌe ꞌi te kona taꞌatoꞌa o ꞌuta o ruŋa i tū meꞌe takeꞌa era e rāua. ꞌE he pae te taŋata he uꞌi.

Marko 5:14 ပူးပေါင်းရင်းမြစ်များ

Māteo 7:6

»ꞌIna kōrua ko hāpī ko oho i te vānaŋa moꞌa o te ꞌAtua ki te nuꞌu te rāua aŋa nō he taꞌe haŋa mo haka roŋo ki rā vānaŋa. A rāua pa he paiheŋa taehae ꞌā, ka hoa atu hai meꞌe hauhaꞌa, e ŋau nō atu i a kōrua. A rāua takoꞌa pa he oru ꞌā, ka hoa atu hai meꞌe hauhaꞌa pa he poe, e rei-rei nō.

Māteo 8:33

Te nuꞌu hāpaꞌo i te oru he eꞌa he tē-tere. I tuꞌu era ki te kona taŋata he ꞌaꞌamu i tū meꞌe taꞌatoꞌa topa era ki tū ŋā kope oꞌo era e te tātane.

Marko 5:13

He haꞌatiꞌa ia e Ietū. He eꞌa rā ŋā tātane mai roto i rā taŋata ꞌe he uru ki roto i tū ŋā oru era. He huata a te ꞌōpata, he vī-viri ki roto i te vai ꞌe he emu tahi rō ꞌai. E piti taꞌutini rā ŋā oru.

Marko 5:15

I tuꞌu era ki tū kona era ꞌi ira a kuā Ietū, he takeꞌa i te kope oꞌo era e te tātane ko riva-riva ꞌā, e uru rō ꞌana i te kahu ꞌe e noho rō ꞌā ꞌi muri i a Ietū. He riꞌa-riꞌa ananake.

Ruka 8:34

I takeꞌa era i rā meꞌe e te nuꞌu hāpaꞌo oru, he tāhuti he turu he ꞌaꞌamu ki te taŋata o te kona taꞌatoꞌa o ira.