Marko 4:36 - Rapa Nui

³⁶ He haka rē i tū nuꞌu taꞌatoꞌa era ꞌe he oho ananake a ruŋa i te vaka era mai ruŋa i hāpī ai. ꞌI muri takoꞌa i oho ai te tētahi vaka.

Marko 4:36 ပူးပေါင်းရင်းမြစ်များ

Māteo 8:23

He eke ia a Ietū ki ruŋa i te vaka koia ko tāꞌana nuꞌu hāpī.

Marko 3:9

ꞌO ira a Ietū i kī ai ki tāꞌana nuꞌu hāpī mo haka riva-riva e tahi vaka mo eke ōꞌona ꞌo rei-rei i a ia e te taŋata.

Marko 4:1

He oho haka ꞌou a Ietū he hāpī ꞌi te taha-taha o te vai era ko Karirea. ꞌI te rahi o te taŋata e taka-taka era, he eke he noho ꞌi ruŋa i te vaka o roto i te vai, ꞌai ka hāpī i te nuꞌu o ꞌuta.

Marko 4:37

E oho nō ꞌana ananake, he puhi pūai te tokerau, he ketu te pari, ꞌe he ꞌī he oho te vaka e te vai.

Marko 5:2

I topa era a Ietū mai ruŋa i te vaka, he haka hāhine e tahi taŋata eꞌa mai roto i te menemā ko oꞌo ꞌā e te tātane.

Marko 5:21

I hoki haka ꞌou era a Ietū a ruŋa i te vaka ki te rua pāꞌiŋa, he taka-taka meꞌe rahi taŋata. He topa a Ietū ꞌe he noho ꞌi te taha-taha o te vai.

Marko 6:32

He oho ia a kuā Ietū ꞌi ruŋa i te vaka ki te kona mo noho ko rāua nō.

Ruka 8:22

ꞌI te mahana e tahi he eke a Ietū koia ko tāꞌana nuꞌu hāpī ki ruŋa i te vaka ꞌai ka kī: «Matu tātou ki oho ki te rua pāꞌiŋa». ꞌE he oho.