Marko 4:34 - Rapa Nui

³⁴ ꞌIna e tahi meꞌe i hāpī e Ietū i taꞌe ai hai ꞌaꞌamu haꞌaauraꞌa, ꞌe ki topa ananake ko tāꞌana nuꞌu hāpī, e haka ꞌite tahi era e ia i te auraꞌa o rā ŋā ꞌaꞌamu.

Marko 4:34 ပူးပေါင်းရင်းမြစ်များ

Māteo 13:34

E vānaŋa era a Ietū ki te rahi raꞌa o te nuꞌu o ruŋa i te meꞌe taꞌatoꞌa nei o te haka tere iŋa ꞌāpī o te ꞌAtua hai ꞌaꞌamu haꞌaauraꞌa, ꞌe mo taꞌe ai hai ꞌaꞌamu haꞌaauraꞌa, ꞌina he vānaŋa o ruŋa.

Marko 4:10

I marere i oho era te rahi raꞌa o rā nuꞌu, he topa a Ietū ananake ko tāꞌana ŋāŋata hāpī e hoꞌe ꞌahuru mā piti ꞌe he tētahi nuꞌu haka ꞌou. He ꞌui e rā ŋā nuꞌu i te auraꞌa o tū ꞌaꞌamu era.

Marko 4:33

A Ietū e haka ꞌite e oho era i te vānaŋa o te ꞌAtua hai meꞌe rahi nō atu ꞌaꞌamu haꞌaauraꞌa pa he ŋā ꞌaꞌamu haꞌaauraꞌa nei. E hāpī era ki te roa nō mo aŋi-aŋi e te nuꞌu.

Ruka 24:27

He haꞌamata ia he haka aŋi-aŋi he oho ki tū ŋā kope era i te meꞌe taꞌatoꞌa pāpaꞌi o ruŋa i a ia ꞌi ruŋa i te ⌊Pāpaꞌi Moꞌa⌋, i haꞌamata ai mai te ŋā puka pāpaꞌi era e ⌊Mōtē⌋ ki te puka taꞌatoꞌa pāpaꞌi e te perofeta.

Iovani 10:6

I ꞌaꞌamu era e Ietū i te ꞌaꞌamu haꞌaauraꞌa nei, kai aŋi-aŋi e te nuꞌu he aha tāꞌana meꞌe e haŋa era mo haka ꞌite.

Iovani 16:25

»Ki te hora nei e vānaŋa atu ena a au hai ꞌaꞌamu haꞌaauraꞌa. ꞌE, ꞌī ko hāhine ꞌā te hora mo taꞌe vānaŋa haka ꞌou atu pē ira. Hai vānaŋa mo aŋi-aŋi riva-riva e kōrua ka haka ꞌite atu ena o ruŋa o te ꞌAtua Matuꞌa.

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.