Marko 4:24 - Rapa Nui

²⁴ He kī haka ꞌou e Ietū: «E uꞌi e haka topa riva-riva te kōrua manaꞌu o ruŋa i te hāpī ꞌāꞌaku. Pa he hāito iŋa ena ꞌā o te kōrua haka roŋo ꞌe haꞌatura ki te ꞌAtua, ka hāito takoꞌa atu ena e ia i te meꞌe mo ꞌite e kōrua o ruŋa ōꞌona, ꞌe ꞌātā e ꞌata haka ꞌite nō atu.

Marko 4:24 ပူးပေါင်းရင်းမြစ်များ

Māteo 7:2

Pa he ture iŋa o kōrua i te rua, pē ira ꞌā te ꞌAtua ka ture atu ena i a kōrua. Pa he pūai o te kōrua kī iŋa i te hape o te rua, pē ira ꞌā te pūai ka kī atu ena e te ꞌAtua i te kōrua hape.

Marko 9:7

E no-noho nō ꞌā rā nuꞌu, i puru rō ai e te raŋi ꞌe mai roto te reꞌo i kī ai: «He Poki nā ꞌāꞌaku, Poki haŋa rahi; e haꞌatura kōrua ki a ia».

Ruka 8:18

»ꞌO ira, e uꞌi e haka roŋo riva-riva tāꞌaku hāpī. Te kope aŋi-aŋi ꞌe toꞌo mōꞌona i te parautiꞌa o te ꞌAtua he ꞌata haka aŋi-aŋi e te ꞌAtua. ꞌE te kope ꞌina he toꞌo mōꞌona, ꞌātā ki te meꞌe manaꞌu ko ꞌite ꞌā e ia ka toꞌo ena».

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 17:11

Te hūrio o te kona nei ꞌata hau te riva-riva o te manaꞌu ki te nuꞌu hūrio o Tētārōnika. A rāua, paꞌi, e haka roŋo rō ꞌā hai māhatu i te vānaŋa o te ꞌAtua, ꞌe e taiꞌo rō ꞌā paurō te mahana i te Pāpaꞌi Moꞌa mo uꞌi hoki he parautiꞌa te meꞌe kī e kuā Pauro.

2 Kōrinto 9:6

E manaꞌu kōrua ki te vānaŋa nei: «Te kope taꞌe ꞌoka rahi, meꞌe taꞌe rahi te meꞌe ka kato era; ꞌe te kope ꞌoka rahi, meꞌe rahi ka kato era».

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

1 Pētero 2:2

E riro kōrua pa he ŋā poki poreko iho pohe ki te ū, te auraꞌa: e pohe kōrua ki te ū parautiꞌa mo te kōrua riva-riva, he vānaŋa o te ꞌAtua, mo haka pūai mo oho o te kōrua manaꞌu ꞌi ruŋa i te ꞌAtua ꞌātā ki te mahana ka toꞌo ena i a kōrua ki te raŋi pe muꞌa ka oho ena.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.