Marko 3:29 - Rapa Nui

²⁹ Te hara mau nō mo taꞌe haka kore e te ꞌAtua: he kī i te vānaŋa taꞌe tano mo te ⌊Vārua Maitai⌋. Te hara nei e ko kore ki te hora hopeꞌa».

Marko 3:29 ပူးပေါင်းရင်းမြစ်များ

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Māteo 9:3

Tētahi ⌊maꞌori o te haka tere hūrio⌋ he manaꞌu: «Te meꞌe kī era e te kope era vānaŋa taꞌe tano mo te ꞌAtua».

Marko 12:40

He toꞌo nō te aŋa i te hauhaꞌa o te ŋā viꞌe hove mo rāua, ꞌe mo naꞌa i rā meꞌe taꞌe tano aŋa era e rāua, he haka roa-roa te pure iŋa ꞌi muꞌa o te taŋata mo haka tuꞌu i a rāua pa he nuꞌu riva. ꞌĪ a au he kī atu: ꞌata paŋahaꞌa te ūtuꞌa ka topa ena ki rā ŋā nuꞌu».

Marko 3:30

I kī ai a Ietū i te meꞌe nei ꞌo te kī e rā nuꞌu ko oꞌo ꞌā a ia e te tātane.

Ruka 12:10

»Te ꞌAtua e haka kore nō i te hara o te nuꞌu vānaŋa taꞌe tano mo te Poki o te taŋata; ꞌe, te nuꞌu vānaŋa taꞌe tano mo te ⌊Vārua Maitai⌋ e ko haka kore e te ꞌAtua i te hara.

2 Tētārōnika 1:9

Te ūtuꞌa mo te nuꞌu era he ūtuꞌa ꞌina he hopeꞌa raꞌa. ꞌI te mahana ka tuꞌu mai ena mai te raŋi te tātou Pūꞌoko Haka Tere e toꞌo rō i rā nuꞌu e haka ꞌava-ꞌava rō, ꞌo oꞌo ki roto i tōꞌona pūai nui-nui ꞌana-ꞌana. ꞌE a tātou, te nuꞌu haꞌataꞌa taꞌatoꞌa e te ꞌAtua māꞌana, nuꞌu haka moe i te manaꞌu ꞌi ruŋa i a Ietū, e haꞌahana-hana tahi rō ki a ia ꞌe e māere rō ꞌi te meꞌe taꞌatoꞌa aŋa e ia mo tātou. ꞌE, ꞌi te haka moe o kōrua i te manaꞌu ꞌi ruŋa i te meꞌe hāpī atu era e mātou, a tātou taꞌatoꞌa o roto o te nuꞌu haꞌahana-hana ki a ia.

Hura 1:13

A rāua takoꞌa pa he vave taparahi-taꞌata, ꞌe te meꞌe taꞌe tano haꞌamā aŋa e rāua pa he kuta-kuta ꞌōꞌone o te vaikava. Te nuꞌu ena takoꞌa pa he hetuꞌu eꞌa mai te rāua ara, ꞌe nā ko ai era ꞌā te ūtuꞌa mo rāua, he noho mau rō ꞌāvai ꞌi roto i te kona hopeꞌa o te pōꞌuri.

Hura 1:7

ꞌE ki te nuꞌu o ⌊Tōroma⌋, o ⌊Kōmora⌋ ꞌe o te kona hāhine ki ira i haka ūtuꞌa ai ꞌi roto i te ahi ꞌina he hopeꞌa raꞌa ꞌo te vaꞌai i a rāua ki te taiꞌata, ꞌe ki te rauhuru meꞌe taꞌe tano pa he noho te taŋata ki te taŋata ꞌā, ꞌe te viꞌe ki te viꞌe ꞌā. Te nuꞌu nei koia ko rā ŋā merahi he noho rō ꞌai pa he meꞌe mo haka manaꞌu ki te taꞌatoꞌa, ꞌo aŋa i te meꞌe tuꞌu pē ira ꞌe ꞌo haka ūtuꞌa e te ꞌAtua.