Marko 2:20 - Rapa Nui

²⁰ ꞌE, nā e tano rō te mahana e toꞌo rō i rā kope mai roto i a rāua; ki tuꞌu rā mahana, ka tapu iho ena.

Marko 2:20 ပူးပေါင်းရင်းမြစ်များ

Māteo 26:31

ꞌI te ara he kī e Ietū: —A kōrua taꞌatoꞌa he haka rehu i a au ꞌi te pō nei. Pē ira, paꞌi, e hāꞌaki ena ꞌi ruŋa i te Pāpaꞌi Moꞌa ꞌi te vānaŋa kī e te ꞌAtua pē nei ē: “He tiŋaꞌi a au i te taŋata hāpaꞌo māmoe, ꞌe he maraŋa tahi tāꞌana māmoe”.

Māteo 9:15

He pāhono e Ietū: —¿E taꞌe koa ꞌe e taꞌe kai mau rō te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? Nā, paꞌi, e tano rō te hora he toꞌo i rā kope mai muri i a rāua; ꞌi rā hora ka tapu iho era.

Marko 2:19

He pāhono e Ietū: —¿E tapu mau rō i te kai te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? E ko tapu.

Marko 2:21

»ꞌIna he nuꞌu he hono i te kahu ko rūꞌau ꞌā hai tapa kahu ꞌāpī; te hono ꞌāpī, paꞌi, he hiki ꞌe he paihi te kahu rūꞌau, ꞌe he ꞌata nui-nui te more.

Ruka 17:22

He kī ki tāꞌana nuꞌu hāpī: «Nā e tuꞌu rō te mahana e topa rō te ꞌati taparahi-taꞌata, ꞌe a kōrua e pohe rō mo noho ꞌi muri i te ⌊Poki o te taŋata⌋ ka ai atu mo te mahana nō e tahi. ꞌE, ꞌi rā hora, e ko tano vave kōrua mo noho ꞌi muri i a ia.

Ruka 5:35

ꞌĪ a au he kī atu: e tuꞌu rō te mahana he toꞌo i rā taŋata hāipo-ipo era mai muri i a rāua; ki tano rā mahana, ka tapu iho era.

Iovani 12:8

Te nuꞌu veve e ko ŋaro mai muri i a kōrua ki te hora hopeꞌa; ꞌe, a au e ko noho e ko oho nō atu ꞌi muri i a kōrua.

Iovani 13:33

»E kuā ŋā poki ꞌāꞌaku ē, e ko noho haka ꞌou atu a au ꞌi muri i a kōrua. E kimi rō mai kōrua. ꞌE pa he meꞌe kī e au ki te nuꞌu ⌊hūrio⌋ ra-rahi ka kī takoꞌa atu ena a au ꞌi te hora nei: e ko tuꞌu atu kōrua ki te kona nei ōꞌoku ka oho nei.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 16:7

Te parautiꞌa, i hau ꞌi te riva mo kōrua mo oho ōꞌoku. Mo taꞌe oho ōꞌoku, e ko tuꞌu mai tū kope hāꞌūꞌū era, he Vārua Maitai, mo noho ꞌi roto i a kōrua; ꞌe mo oho ōꞌoku, he uŋa mai e au.

Iovani 17:11

»E ko noho haka ꞌou au ꞌi te ao nei; ko rāua te meꞌe ka noho ena. He hoki atu a au ki muri i a koe. E Koro Moꞌa ē, e hāpaꞌo koe i a rāua hai pūai ena ōꞌou, pūai vaꞌai mai era e koe, mo riro o rāua e tahi mau nō pē tātou.

Iovani 17:13

»ꞌĪ a au he oho atu ki a koe ena. Hora nei ōꞌoku ꞌi te ao nei ꞌā e kī nei e au i te ŋā meꞌe nei mo te rāua riva-riva, mo koa o rāua pa he koa riꞌa-riꞌa nei ōꞌoku.

Iovani 3:29

»ꞌI te ŋoŋoro hāipo-ipo, paꞌi, te taŋata i a ia te viꞌe mo hāipo-ipo ko ia te meꞌe ka hāipo-ipo era. ꞌE te repahoa o muri, ka ŋaroꞌa era i te reꞌo o rā kope e hāipo-ipo ꞌana, he toꞌo te koa. Pē ira takoꞌa tōꞌoku koa mo rahi o te taŋata oho ki a ia.

Aŋa o te ꞌĀpōtoro 1:9

I kī era i te meꞌe nei, he iri he oho a Ietū a ruŋa, e uꞌi nō ꞌā e tū nuꞌu era, he viri e te raŋi e tahi ꞌe he ŋaro rō ꞌai.

Aŋa o te ꞌĀpōtoro 14:23

He haꞌataꞌa ia e kuā Pauro, ꞌi te ŋā kona nei a to-toru, i te ŋāŋata mo pūꞌoko haka tere o te nūnaꞌa haka moe i te manaꞌu ꞌi ruŋa i a Ietū. He pure ꞌe he tapu i te kai koia ko rā nuꞌu taꞌatoꞌa. I oti era he ani e kuā Pauro ki a Ietū, he kope ꞌi ruŋa e haka moe tahi era i te manaꞌu, mo hāpaꞌo i a rāua.

Aŋa o te ꞌĀpōtoro 3:21

»ꞌE mo te hora nō nei a Ietū Kiritō ana noho ꞌi te raŋi ꞌātā ki te haka riva-riva iŋa e te ꞌAtua i te meꞌe taꞌatoꞌa, pa he meꞌe haka ꞌite mai hai tāꞌana ŋā perofeta era o muꞌa ꞌā.

1 Kōrinto 7:5

ꞌO ira, ꞌina e tahi o rāua mo kī ki te rua ꞌina he haŋa mo piri tane, mo taꞌe ai ꞌi raꞌe i haꞌaꞌau ai ararua mo taꞌe piri ꞌi te tētahi mahana mo pure ki te ꞌAtua. Ki oti rā ŋā mahana he piri haka ꞌou, ꞌo taꞌe ravaꞌa rō mo haka noho i te hakari ꞌe he haka hara e Rukifero.

2 Kōrinto 11:2

ꞌIna kōrua ko rehu: e haŋa rō atu ꞌana a au ki a kōrua pa he haŋa iŋa ena ꞌā o te ꞌAtua ki tōꞌona taŋata. A kōrua ko haka haꞌamoꞌa-moꞌa era ꞌana e au mo hāipo-ipo ki te kenu mau nō e tahi, he ⌊Kiritō⌋, ꞌe ko haŋa ꞌana a au mo maꞌu i a kōrua ki muꞌa i a ia pa he viꞌe ꞌina kai noho ꞌā ki te taŋata ꞌe hāpaꞌo i a ia mo tāꞌana kenu mau nō.

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.

2 Kōrinto 6:5

i te tiŋaꞌi, i te puru ꞌi roto i te hare maꞌuꞌaurī, i te haka tumu i te ture, i te aŋa paŋahaꞌa, i te taꞌe haꞌuru ꞌe i te maruaki.

Meꞌe Haka Takeꞌa 19:7

Ki koa tahi tātou; ki haꞌahana-hana tātou i a ia ꞌo tōꞌona pūai nui-nui. Ko tano ꞌana, paꞌi, te hora mo te hāipo-ipo o te Māmoe. Ko haka riva-riva ꞌā tāꞌana viꞌe:

Meꞌe Haka Takeꞌa 21:9

He oho mai ia e tahi o tū ŋā merahi maꞌu poko-poko era e hitu, poko-poko era o te ŋā ꞌati hopeꞌa era e hitu, ꞌe he kī mai: «Ka oho mai koe. ꞌĪ a au he haka takeꞌa atu i te viꞌe haꞌamoꞌa-moꞌa mo hāipo-ipo ki te Māmoe».