Marko 16:18 - Rapa Nui

¹⁸ Mo ꞌa-ꞌaru tāꞌue i te kōreha veneno, ꞌe mo unu tāꞌue i te veneno, e ko ꞌati a rāua. ꞌE ꞌātā e ai rō te mana vaꞌai e te ꞌAtua, ka haka puā era hai rima ki te nuꞌu māui-ui, he ora rō ꞌai».

Marko 16:18 ပူးပေါင်းရင်းမြစ်များ

Marko 5:23

ꞌe he ani: —E Ietū ē, he mate tāꞌaku poki. Ka oho mai koe ka haka puā i tuꞌu rima ki a ia mo ora o tōꞌona māui-ui ꞌo mate.

Ruka 10:19

I vaꞌai rō atu a au i te pūai mo haꞌere o kōrua a ruŋa i te kōreha veneno ꞌe a ruŋa i te veriꞌārahu. I vaꞌai takoꞌa rō atu a au i te pūai mo rē o kōrua ki te meꞌe taꞌatoꞌa aŋa atu e Rukifero. Pē ira i taꞌe topa atu ai e tahi ꞌati.

Aŋa o te ꞌĀpōtoro 19:12

E ora rō ꞌā, paꞌi, te māui-ui ꞌe e eꞌa rō ꞌā te tātane mai roto i te nuꞌu hai maꞌu nō ki a rāua e te tētahi i te haroꞌi ꞌe i te kahu puā e te hakari o Pauro.

Aŋa o te ꞌĀpōtoro 3:12

I takeꞌa era e Pētero, he kī: «¿He aha rā kōrua i māere ai, e te itaraera ē? ¿He aha e uꞌi mai ena pa he meꞌe ena ē: o māua i haka haꞌere i te taŋata nei hai mana mau ꞌā o māua, ꞌo ꞌo te rava moꞌa ꞌe haꞌatura o māua ki te ꞌAtua?

Aŋa o te ꞌĀpōtoro 3:16

Te meꞌe i haka ora i te taŋata takeꞌa ena e kōrua he ⌊haka moe i te manaꞌu⌋ ꞌi ruŋa i a Ietū. ꞌE, ꞌo te haka moe i te manaꞌu ꞌi ruŋa i a Ietū, i ora tahi ai tōꞌona māui-ui, pa he meꞌe takeꞌa ena e kōrua.

Aŋa o te ꞌĀpōtoro 4:10

ꞌĪ a māua he kī atu ꞌi muꞌa i a kōrua ꞌe ꞌi muꞌa i te taŋata taꞌatoꞌa o Itaraera: te taŋata nei e māroa atu ena ꞌi muꞌa o kōrua i ora ai hai ꞌīŋoa o Ietū Kiritō o Nātāreta tiŋaꞌi e kōrua ꞌi ruŋa i te tātaurō, ꞌe haka ora e te ꞌAtua mai te mate.

Aŋa o te ꞌĀpōtoro 4:22

E maha ꞌahuru tūmaꞌa matahiti o tū taŋata haka ora era.

Aŋa o te ꞌĀpōtoro 4:30

koia ko haka takeꞌa i tuꞌu pūai hai haka ora i te māui-ui ꞌe hai aŋa i te mana hai ꞌīŋoa o tuꞌu tāvini moꞌa ko Ietū».

Aŋa o te ꞌĀpōtoro 9:34

He kī e Pētero: «E ꞌĒnea, ka eꞌa koe ki ruŋa ka hēriki tuꞌu roꞌi. Ko haka ora ꞌā koe e Ietū». ꞌI tū hora ꞌā i eꞌa ai a ꞌĒnea ki ruŋa.

Rōmano 16:20

Pē ira e ko roa he toꞌo mai e te ꞌAtua, vaꞌai i te haumārū, he haka hēpiꞌi i a Rukifero ꞌi raro i te kōrua vaꞌe. Ka ai ꞌi ruŋa i a kōrua te riva rahi o Ietū, he Pūꞌoko Haka Tere o tātou.

1 Kōrinto 12:9

O te Vārua Maitai te vaꞌai ki te tētahi taŋata i te pūai mo ꞌata haka moe i tōꞌona manaꞌu ꞌi ruŋa i a Ietū, ꞌe ki te tētahi haka ꞌou atu i te pūai mo haka ora i te māui-ui.