Marko 16:17 - Rapa Nui

¹⁷ Te nuꞌu haka moe i te manaꞌu ꞌi ruŋa i a au e aŋa rō i te meꞌe ka takeꞌa era e te taŋata he aŋi-aŋi: i rā nuꞌu te mana o te ꞌAtua. Te nuꞌu nei e haka eꞌa rō i te tātane mai roto i te taŋata hai ꞌīŋoa ōꞌoku, ꞌe e vānaŋa rō i te ꞌarero kē taꞌe i hāpī e rāua.

Marko 16:17 ပူးပေါင်းရင်းမြစ်များ

Marko 9:38

He kī e Iovani: —E te Maꞌori, ko takeꞌa ꞌā e mātou i te kope e haka eꞌa ꞌana i te tātane mai roto i te taŋata hai ꞌīŋoa ōꞌou. I kī rō e mātou mo taꞌe aŋa haka ꞌou. Taꞌe, paꞌi, a ia o roto i a tātou.

Ruka 10:17

Tū nuꞌu era e hitu ꞌahuru mā piti e koa rō ꞌana i hoki ai, he kī: —¡E Ietū, ꞌātā ki te tātane i haka roŋo mai ai ꞌi te hora kī o mātou mo eꞌa mai roto i te taŋata hai ꞌīŋoa ōꞌou!

Iovani 14:12

ꞌE ꞌī a au he kī atu: te kope haka moe i tōꞌona manaꞌu ꞌi ruŋa i a au, e aŋa takoꞌa rō i te meꞌe aŋa e au, ꞌe he aŋa takoꞌa i te meꞌe ꞌata hau rō atu hai oho ōꞌoku ki te kona era ꞌi ira te Matuꞌa.

Aŋa o te ꞌĀpōtoro 10:46

He ŋaroꞌa e vānaŋa ꞌana hai ꞌarero huru kē huru kē ꞌe e haꞌahana-hana ꞌana ki te ꞌAtua.

Aŋa o te ꞌĀpōtoro 16:18

Meꞌe rahi mahana e ohu-ohu era ꞌātā ka ꞌeꞌete rō te manava o Pauro. He teka ia he kī ki te tātane o roto o tū poki era: «¡Hai ꞌīŋoa o Ietū Kiritō he kī atu au: ka eꞌa koe mai roto i te poki ena!». ꞌI tū hora mau era ꞌā he eꞌa tū tātane era mai roto.

Aŋa o te ꞌĀpōtoro 19:6

I haka puā era e Pauro i te rima, he turu takoꞌa ki ruŋa i rā nuꞌu te Vārua Maitai ꞌe he haꞌamata he vānaŋa hai ꞌarero kē-kē, ꞌe he kī i te meꞌe i haka vānaŋa e te ꞌAtua.

Aŋa o te ꞌĀpōtoro 2:33

Ko maꞌu ꞌā te ꞌAtua i a Ietū ko haka noho ꞌana ꞌi tōꞌona pāꞌiŋa mataꞌu mo haka tere ararua, ꞌe ko vaꞌai ꞌā ki a ia i te Vārua Maitai hōrea e ia e te Matuꞌa. ꞌE a Ietū ko haka topa mai ꞌā i te Vārua Maitai ki ruŋa i a mātou, he meꞌe ŋaroꞌa ꞌe takeꞌa ena e kōrua.

Aŋa o te ꞌĀpōtoro 5:16

ꞌE mai te kona taꞌatoꞌa hāhine ki Hērutarema e maꞌu takoꞌa era i te māui-ui ꞌe i te taŋata ko oꞌo ꞌā e te tātane, ꞌe taꞌatoꞌa nō e ora era.

Aŋa o te ꞌĀpōtoro 8:7

Meꞌe rahi taŋata uru e te tātane i haka ora e Feripe, i kiki-kikiu i eꞌa ai rā ŋā tātane. ꞌE, takoꞌa, meꞌe rahi nuꞌu hakari taꞌe makenu ꞌe vaꞌe koke i haka ora e ia.

1 Kōrinto 12:10

E ai rō ꞌā te nuꞌu i a rāua te pūai vaꞌai e te Vārua Maitai mo aŋa i te mana, ꞌe te nuꞌu i a rāua te pūai mo vānaŋa i te meꞌe haka ꞌite e te ꞌAtua. Ki te tētahi nuꞌu i vaꞌai ai e te ꞌAtua i te pūai mo ꞌite hoki te meꞌe vānaŋa e te rua he roŋo mau ꞌā o te ꞌAtua ꞌo he meꞌe o te tātane. ꞌE ki te tētahi haka ꞌou nuꞌu i vaꞌai ai i te pūai mo vānaŋa hai ꞌarero kē taꞌe ꞌite e rāua, ꞌe ki te tētahi haka ꞌou atu te pūai mo haka ꞌite i te auraꞌa o te vānaŋa kī hai rā ꞌarero.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 12:30

Taꞌe taꞌatoꞌa e ai rō ꞌā te pūai mo haka ora i te māui-ui. ꞌE, takoꞌa, taꞌe taꞌatoꞌa e vānaŋa rō ꞌā i te ꞌarero kē taꞌe ꞌite e rāua, ꞌe taꞌe taꞌatoꞌa e ꞌite rō ꞌana mo haꞌaauraꞌa i te vānaŋa kī hai rā ꞌarero.

1 Kōrinto 13:1

Mo vānaŋa ōꞌoku rauhuru ꞌarero o te ao nei, ꞌe ꞌātā i te ꞌarero vānaŋa e te merahi, ꞌe ꞌina o roto i a au te haŋa mo te rua, te meꞌe nō era ꞌāꞌaku mo kī he pōŋeha nō atu e tahi pa he pahu e tiŋi-tiŋi ꞌā.

1 Kōrinto 14:2

Te kope ki a ia te meꞌe i vaꞌai ai he vānaŋa hai ꞌarero kē taꞌe ꞌite e ia taꞌe ki te taŋata e vānaŋa ena; e vānaŋa ꞌā ki te ꞌAtua, ꞌe ꞌina he nuꞌu he aŋi-aŋi i tāꞌana meꞌe kī.