Marko 16:15 - Rapa Nui

¹⁵ I oho era he kī: «E oho kōrua e haka ꞌite i te ⌊roŋo riva-riva o te ꞌAtua⌋ a te henua taꞌatoꞌa.

Marko 16:15 ပူးပေါင်းရင်းမြစ်များ

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Marko 13:10

Te ⌊roŋo riva-riva o te ꞌAtua⌋, paꞌi, e haka ꞌite e oho rō ki te taŋata o te henua taꞌatoꞌa ꞌi raꞌe ki te tuꞌu iŋa mai o te hopeꞌa o te ao.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 20:21

He kī haka ꞌou ia e Ietū: «¡Ka ai ꞌi ruŋa i a kōrua te haumārū o te ꞌAtua! Pa he uŋa iŋa mai era e te Matuꞌa i a au, pē ira a au ka uŋa nei i a kōrua».

Aŋa o te ꞌĀpōtoro 1:2

ꞌātā ki te mahana iri ōꞌona ki te raŋi. Kai iri ꞌā i haka ꞌite rō ai hai Vārua Maitai ki tāꞌana nuꞌu haꞌataꞌa he ⌊ꞌāpōtoro⌋ i te meꞌe o rāua mo aŋa.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Rōmano 10:18

Tāꞌaku ꞌui ia: ¿ꞌIna ꞌō pēaha kai ŋaroꞌa e te nuꞌu hūrio i te roŋo riva-riva o te ꞌAtua? I ŋaroꞌa rō. E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te reꞌo o te maꞌuroŋo ko tuꞌu ꞌā ki te kona taꞌatoꞌa, ꞌātā ki te kona hopeꞌa o te ao».

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Ēfeto 2:17

A Ietū i oho mai ai ki te ao nei mo haka ꞌite mai pē hē te taŋata ana riva-riva ki te ꞌAtua. I haka ꞌite ai i te meꞌe nei ki a kōrua ki te nuꞌu taꞌe hūrio, nuꞌu ꞌava-ꞌava mai muri i a ia, ꞌe, takoꞌa, ki te hūrio, nuꞌu hāhine ki a ia.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.

Meꞌe Haka Takeꞌa 14:6

He takeꞌa ia e au i te merahi haka ꞌou e tahi e rere rō ꞌana ꞌi vāeŋa era o te raŋi e maꞌu rō ꞌana i te roŋo ꞌina he hopeꞌa raꞌa mo haka ꞌite ki te nuꞌu o te taꞌatoꞌa nō hau, ꞌarero ꞌe kona o te ao.