Marko 16:14 - Rapa Nui

¹⁴ E no-noho nō ꞌā te nuꞌu hāpī ꞌa Ietū e hoꞌe ꞌahuru mā hoꞌe ꞌi ruŋa i te ꞌamuramaꞌa, he haka takeꞌa a Ietū i a ia. He ture ia ꞌo te taꞌe haka roŋo ki te nuꞌu takeꞌa raꞌe i a ia ko ora haka ꞌou ꞌā mai te mate, he pūꞌoko hio-hio o rāua ꞌe he taꞌe ⌊haka moe i te manaꞌu⌋ ꞌi ruŋa i a ia.

Marko 16:14 ပူးပေါင်းရင်းမြစ်များ

Māteo 11:20

He haꞌamata a Ietū he ture ki te nuꞌu o te kona aŋa e ia i te rahi raꞌa o te mana ꞌo te taꞌe huri o te manaꞌu ki ruŋa i te ꞌAtua. Pē nei i kī ai ki rā ŋā kona:

Māteo 17:20

He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 28:17

I takeꞌa era i a Ietū he haꞌamuri, ka ai atu tētahi o rāua e ꞌaka-ꞌaka rō ꞌā te manaꞌu.

Marko 7:18

He kī e Ietū: «¿Kai aŋi-aŋi takoꞌa ꞌō e kōrua? ¿Kai ꞌite ꞌana ꞌō ꞌina he meꞌe mo kai e te taŋata mo haka taꞌe tano i a ia ki te ꞌAtua?

Ruka 24:11

Te manaꞌu o te ꞌāpōtoro he ꞌaꞌamu e tahi o rā ŋā viꞌe, ꞌe ꞌina he haka roŋo.

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

Iovani 20:25

He ꞌaꞌamu ia e te tētahi nuꞌu hāpī: —Ko takeꞌa ꞌana e mātou i a Ietū. He pāhono e Tōmā: —Mo taꞌe takeꞌa e au te pū o te veo ꞌi tōꞌona rima, ꞌe mo taꞌe haka puā e au hai maŋa-maŋa rima ki rā kona ꞌe ki tōꞌona rehe-rehe, taꞌe he parautiꞌa mōꞌoku te ꞌaꞌamu ena o kōrua.

Iovani 20:26

Ka vaꞌu mahana pe muꞌa, he taka-taka haka ꞌou te nuꞌu hāpī ꞌa Ietū ꞌi te hare e tahi. ꞌI rā mahana ꞌi muri i a rāua a Tōmā. E tāmaꞌu rō ꞌana te ꞌōpani o rā hare, he māroa atu a Ietū ꞌi vāeŋa o rā nuꞌu ꞌe he ꞌaroha: «Ka ai ꞌi ruŋa i a kōrua te haumārū o te ꞌAtua».

Iovani 20:27

He kī ia e Ietū ki a Tōmā: —Ka oho mai ka uꞌi tōꞌoku rima. Ka ha-haꞌo hai maŋa-maŋa rima ena ōꞌou ꞌe ꞌai ka haka toro rō mai tuꞌu rima ki roto i tōꞌoku rehe-rehe. ¡ꞌIna ko ꞌaka-ꞌaka haka ꞌou te manaꞌu; ko au mau ꞌā te meꞌe nei!

Iovani 21:1

ꞌI te mahana haka ꞌou e tahi, he haka takeꞌa a Ietū i a ia ki tāꞌana nuꞌu hāpī ꞌi te taha-taha o te kona vai e kī era ko Tīvēria, ꞌe pē nei i topa ai:

Iovani 21:14

He toru haka takeꞌa iŋa nei o Ietū i a ia ki tāꞌana nuꞌu hāpī mai tōꞌona ora iŋa mai te mate.

Aŋa o te ꞌĀpōtoro 1:3

I ora era mai te mate, he haka takeꞌa i a ia ki rā nuꞌu mo aŋi-aŋi e rāua ko ora ꞌā a ia. E maha ꞌahuru mahana i haka takeꞌa i oho ai a Ietū i a ia ꞌe i vānaŋa ai o ruŋa i te ⌊haka tere iŋa ꞌāpī o te ꞌAtua⌋.

1 Kōrinto 15:5

ꞌe i haka takeꞌa rō i a ia ki a Pētero ꞌe ki oti ki te hoꞌe ꞌahuru mā piti ⌊ꞌāpōtoro⌋.

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.