Marko 16:13 - Rapa Nui

¹³ I aŋi-aŋi era e rā ŋā kope ko Ietū ꞌō rā meꞌe, he oho he ꞌaꞌamu ki te tētahi nuꞌu hāpī ꞌa Ietū. ꞌE mo rā nuꞌu taꞌe ꞌā he parautiꞌa.

Marko 16:13 ပူးပေါင်းရင်းမြစ်များ

Māteo 28:17

I takeꞌa era i a Ietū he haꞌamuri, ka ai atu tētahi o rāua e ꞌaka-ꞌaka rō ꞌā te manaꞌu.

Marko 16:11

ko ora haka ꞌou ꞌā a Ietū ꞌe ko takeꞌa ꞌana e ia. He manaꞌu e rā nuꞌu taꞌe he parautiꞌa.

Marko 16:14

E no-noho nō ꞌā te nuꞌu hāpī ꞌa Ietū e hoꞌe ꞌahuru mā hoꞌe ꞌi ruŋa i te ꞌamuramaꞌa, he haka takeꞌa a Ietū i a ia. He ture ia ꞌo te taꞌe haka roŋo ki te nuꞌu takeꞌa raꞌe i a ia ko ora haka ꞌou ꞌā mai te mate, he pūꞌoko hio-hio o rāua ꞌe he taꞌe ⌊haka moe i te manaꞌu⌋ ꞌi ruŋa i a ia.

Ruka 16:31

»He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

Ruka 24:11

Te manaꞌu o te ꞌāpōtoro he ꞌaꞌamu e tahi o rā ŋā viꞌe, ꞌe ꞌina he haka roŋo.

Ruka 24:41

He māere tū nuꞌu era koia ko koa, ꞌe, ka ai atu pē ira, ko te ꞌaka-ꞌaka iŋa ꞌana te manaꞌu pē nei ē: ko Ietū ꞌō rā meꞌe. ꞌO ira i ꞌui ai e Ietū: «¿ꞌIna ꞌō kōrua meꞌe mo kai?».

Iovani 20:25

He ꞌaꞌamu ia e te tētahi nuꞌu hāpī: —Ko takeꞌa ꞌana e mātou i a Ietū. He pāhono e Tōmā: —Mo taꞌe takeꞌa e au te pū o te veo ꞌi tōꞌona rima, ꞌe mo taꞌe haka puā e au hai maŋa-maŋa rima ki rā kona ꞌe ki tōꞌona rehe-rehe, taꞌe he parautiꞌa mōꞌoku te ꞌaꞌamu ena o kōrua.

Iovani 20:8

He uru takoꞌa ia tū kope tuꞌu raꞌe era. I takeꞌa era i rā meꞌe, mōꞌona ko ora haka ꞌou ꞌā a Ietū,