Marko 16:12 - Rapa Nui

¹² ꞌI te ahi-ahi o rā mahana, e oho nō ꞌā e rua kope hāpī ꞌa Ietū mai Hērutarema ki te rua kona, he piri a Ietū taꞌe hai huru rava māhani takeꞌa e rāua.

Marko 16:12 ပူးပေါင်းရင်းမြစ်များ

Marko 16:14

E no-noho nō ꞌā te nuꞌu hāpī ꞌa Ietū e hoꞌe ꞌahuru mā hoꞌe ꞌi ruŋa i te ꞌamuramaꞌa, he haka takeꞌa a Ietū i a ia. He ture ia ꞌo te taꞌe haka roŋo ki te nuꞌu takeꞌa raꞌe i a ia ko ora haka ꞌou ꞌā mai te mate, he pūꞌoko hio-hio o rāua ꞌe he taꞌe ⌊haka moe i te manaꞌu⌋ ꞌi ruŋa i a ia.

Ruka 9:29

E pure nō ꞌā he huru kē te ꞌāriŋa o Ietū, ꞌe te kahu he rito-rito ꞌe he ꞌuira.

Iovani 21:1

ꞌI te mahana haka ꞌou e tahi, he haka takeꞌa a Ietū i a ia ki tāꞌana nuꞌu hāpī ꞌi te taha-taha o te kona vai e kī era ko Tīvēria, ꞌe pē nei i topa ai:

Iovani 21:14

He toru haka takeꞌa iŋa nei o Ietū i a ia ki tāꞌana nuꞌu hāpī mai tōꞌona ora iŋa mai te mate.

Aŋa o te ꞌĀpōtoro 1:3

I ora era mai te mate, he haka takeꞌa i a ia ki rā nuꞌu mo aŋi-aŋi e rāua ko ora ꞌā a ia. E maha ꞌahuru mahana i haka takeꞌa i oho ai a Ietū i a ia ꞌe i vānaŋa ai o ruŋa i te ⌊haka tere iŋa ꞌāpī o te ꞌAtua⌋.