Marko 15:37 - Rapa Nui

³⁷ He aꞌu haka ꞌou a Ietū i te reꞌo, he puhi te haŋu hopeꞌa ꞌe he mate.

Marko 15:37 ပူးပေါင်းရင်းမြစ်များ

Māteo 27:50

He ohu pūai haka ꞌou a Ietū, ꞌe he mate.

Marko 15:36

He tahuti e tahi o roto o rā nuꞌu, he toꞌo i te meꞌe tuꞌu pa he vavai, he haka ruku ki roto i te vino maŋeo, he huki ki ruŋa i te miro, ꞌe he maꞌu he haka puā ki te ŋutu o Ietū mo ꞌomo-ꞌomo. He kī e rā kope ki te nuꞌu o rā kona: «¡Ki haka rē nō, ki uꞌi tātou hoki e tuꞌu rō mai a ⌊ꞌĒria⌋ e haka topa rō i a ia mai ruŋa i te tātaurō!».

Ruka 23:46

ꞌE a Ietū i haka pūai i ohu ai: «¡E Koro ōꞌoku ē, ꞌī a au he vaꞌai atu, ꞌi te hora nei, i tōꞌoku vārua ki tuꞌu rima!». I oti era te kī i te meꞌe nei he mate.

Iovani 19:30

He ꞌomo-ꞌomo e Ietū ꞌe he kī: «Ko aŋa tahi ꞌana a au i tāꞌaku meꞌe mo aŋa». He noi ia te ꞌāriŋa a raro ꞌe he mate.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.