Marko 15:32 - Rapa Nui

³² ¡Ka topa, hoꞌi, te ⌊Kiritō⌋, te ꞌAriki o Itaraera, mai ruŋa i te tātaurō, ki takeꞌa mai ꞌe ki haka moe ai te mātou manaꞌu ꞌi ruŋa i a ia!». ꞌE, takoꞌa, i vā-vā rō i a Ietū e tū ŋā kope veo era ꞌi tupuꞌaki ōꞌona.

Marko 15:32 ပူးပေါင်းရင်းမြစ်များ

Māteo 1:17

E hoꞌe ꞌahuru mā maha hakaara mai i a ꞌAparahama ki a Tāvita, e hoꞌe ꞌahuru mā maha mai i a Tāvita ki te maꞌu iŋa o te itaraera ki Vāvīrōnia, ꞌe e hoꞌe ꞌahuru mā maha haka ꞌou hakaara mai te noho iŋa ꞌi Vāvīrōnia ki te hora o te Kiritō.

Māteo 27:42

«Ko haka eꞌa ꞌana i te tētahi taŋata mai roto i te rāua ꞌati, ꞌe, ¿e ko ravaꞌa mo haka ora i a ia mau era ꞌā? ¿Taꞌe ꞌō he ꞌAriki o te itaraera? ¡Mo topa mai ōꞌona mai ruŋa i te tātaurō, he haka moe mātou i te manaꞌu ꞌi ruŋa i a ia!

Māteo 27:44

ꞌE, takoꞌa, i vā-vā rō i a Ietū e tū ŋā toke-toke veo era ꞌi tupuꞌaki ōꞌona.

Marko 15:26

ꞌI te pūꞌoko o rā tātaurō i huki ai te miro e hāꞌaki rō ꞌā: «He ꞌAriki o te hūrio», he haka ꞌite iŋa i te tumu o tōꞌona ūtuꞌa.

Marko 15:27

ꞌI te pāꞌiŋa mataꞌu ꞌe ꞌi te pāꞌiŋa maui o Ietū te tātaurō haka ꞌou ꞌi ruŋa i veo ai e rua toke-toke. [

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:13

He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

2 Timoteo 2:18

A rāua ko haka tapa ꞌana mai roto i te parautiꞌa hai kī o rāua: te ora iŋa haka ꞌou o tātou mai te mate ko ai era ꞌā, ꞌe pē ira e haka mira-mira e oho era i te manaꞌu o te tētahi nuꞌu haka moe i te manaꞌu ꞌi ruŋa i a Ietū.