Marko 15:14 - Rapa Nui

¹⁴ He ꞌui e Pirato: —¿He aha tāꞌana meꞌe taꞌe tano i aŋa? He ꞌata ohu e rā nuꞌu: —¡Ka veo ꞌi ruŋa i te tātaurō!

Marko 15:14 ပူးပေါင်းရင်းမြစ်များ

Māteo 27:19

E noho nō ꞌā a Pirato ꞌi te kona ture, i tuꞌu ai te roŋo o tāꞌana viꞌe pē nei ē: «ꞌIna koe ko aŋa e tahi meꞌe ki te taŋata taꞌe hara ena. I moe vārua rō, paꞌi, a au o ruŋa i a ia ꞌi te pōꞌā ꞌe he huru kē rō atu ꞌai a au».

Māteo 27:4

he kī: —Ko hara ꞌana a au ꞌo te vaꞌai atu i te taŋata ꞌina e tahi ōꞌona hape mo tiŋaꞌi mo haka mate. He pāhono e rā nuꞌu: —Taꞌe he meꞌe o mātou. ¡Ōꞌou ꞌā tuꞌu ꞌati!

Māteo 27:54

I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Marko 15:13

He raŋi e tū nuꞌu era: —¡Ka veo ꞌi ruŋa i te tātaurō!

Marko 15:15

ꞌI te haŋa o Pirato mo riva-riva ōꞌona ki tū nuꞌu era, he haka eꞌa i a Varavā. ꞌE ko Ietū i haka tiŋaꞌi hai ꞌuaka. I oti era he vaꞌai ki te vaꞌehau ꞌe he kī mo veo ꞌi ruŋa i te tātaurō.

Ruka 23:21

ꞌE ꞌina he haka roŋo e te nuꞌu; ꞌai e ꞌata ohu era: —¡Ka veo ꞌi ruŋa i te tātaurō!

Ruka 23:4

He kī ia e Pirato ki tū ŋā ⌊oromatuꞌa ra-rahi⌋ era ꞌe ki te taŋata taꞌatoꞌa ꞌi ira: —Ki tōꞌoku uꞌi, ꞌina e tahi meꞌe rake-rake o te taŋata nei i aŋa ki tano ai mo haka ūtuꞌa.

Ruka 23:41

Te ūtuꞌa nei e tano rō ꞌā mo tāua, he ꞌauhau o te meꞌe taꞌe tano aŋa. ꞌE te taŋata ena ꞌina e tahi ōꞌona hape.

Ruka 23:47

I takeꞌa era e te kape o te rōmano i rā meꞌe, he haꞌahana-hana ki te ꞌAtua ꞌe he kī: «He aŋi ꞌā tū taŋata nei taŋata hape kore».

Iovani 18:38

He ꞌui e Pirato: —¿He aha te meꞌe he parautiꞌa? I oti era te ꞌui i te meꞌe nei, he eꞌa haka ꞌou a Pirato he vānaŋa ki te hūrio, he kī: —Kai ravaꞌa e au e tahi hape o te taŋata nei mo haka ūtuꞌa i a ia.

Iovani 19:6

I takeꞌa era e te nuꞌu ⌊oromatuꞌa ra-rahi⌋ ꞌe e te ꞌauario o te Kona Haꞌamuri ꞌAtua, he haꞌamata he ohu: —¡Ka veo ꞌi ruŋa i te tātaurō! ¡Ka veo ꞌi ruŋa i te tātaurō! He kī e Pirato: —Ka maꞌu ka veo e kōrua mau ꞌā; kai ravaꞌa, paꞌi, e au e tahi meꞌe taꞌe tano ōꞌona.

Aŋa o te ꞌĀpōtoro 13:28

Ka ai atu ꞌina e tahi hape i ravaꞌa mo haka ūtuꞌa i a Ietū hai mate, i kī nō e rā nuꞌu ki a Pirato mo tiŋaꞌi.

Aŋa o te ꞌĀpōtoro 19:34

I ꞌite era e rā nuꞌu he hūrio takoꞌa a ia, e rua hora tūmaꞌa i ohu-ohu ai: «¡Ko te nui-nui te ꞌatua o tātou o te ēfeto ko Aratemita!».

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

1 Pētero 1:19

hai toto hauhaꞌa era o te Kiritō, kope pa he māmoe mo tūtia ꞌina e tahi ōꞌona hape, i toꞌo ai i a kōrua.