Marko 14:72 - Rapa Nui

⁷² He ꞌoꞌoa haka ꞌou ia te moa ꞌi rā hora, ꞌe he topa te manaꞌu o Pētero ki tū meꞌe kī era e Ietū: «E ko ꞌoꞌoa hia te rua ꞌoꞌoa iŋa o te moa ka kī ena e koe e toru kī iŋa kai ꞌite koe ko ai a au». ꞌE he toꞌo rō atu ꞌai te taŋi o Pētero.

Marko 14:72 ပူးပေါင်းရင်းမြစ်များ

Māteo 26:34

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te moa, ka kī ena koe ki te nuꞌu e toru kī iŋa kai ꞌite koe ko ai a au.

Marko 14:30

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te rua ꞌoꞌoa iŋa o te moa, ka kī rō ena koe ki te nuꞌu e toru kī iŋa kai ꞌite koe ko ai a au.

Marko 14:68

He kī e Pētero: —ꞌIna a au kai ꞌite ko ai te kope ena, ꞌe kai ꞌite a au he aha taꞌa meꞌe e vānaŋa mai ena. He oho a Pētero ki muri i te ꞌōpani. He ꞌoꞌoa ia te reꞌo o te moa.

Marko 14:71

He kī e Pētero ki rā nuꞌu: —He hōrea atu a au hai ꞌīŋoa o te ꞌAtua, kai ꞌite a au ko ai te taŋata ena, ꞌe ka hoa a au ki roto i te pōꞌauahi mo ai e reo-reo atu ꞌana a au.

Ruka 22:60

He kī haka ꞌou e Pētero: —Ē, kai ꞌite a au he aha taꞌa meꞌe ena e kī mai ena. ꞌI tū hora mau era ꞌana, e vānaŋa nō ꞌā a Pētero, he ꞌoꞌoa te moa.

Ruka 22:62

He eꞌa ia a Pētero he oho mai tū kona era ꞌe he toꞌo rō atu ꞌai te taŋi.

2 Kōrinto 7:10

Ko rā māui-ui te māui-ui māhatu haŋa o te ꞌAtua, he meꞌe haka hārui i te manaꞌu o te taŋata ki a ia, maꞌu i a rāua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE te māui-ui māhatu pē ira taꞌe he ꞌati. Te māui-ui māhatu o te taŋata taꞌe haŋa ki te ꞌAtua, taꞌe haka hārui i te manaꞌu o te taŋata ki ruŋa i te ꞌAtua, he meꞌe maꞌu i te taŋata ki te mate, te auraꞌa, he haꞌataꞌa mau rō ꞌāvai mai muri i te ꞌAtua.