Marko 14:50 - Rapa Nui

⁵⁰ ꞌI tū hora mau era ꞌā he hoa i a Ietū e tāꞌana nuꞌu hāpī he tē-tere.

Marko 14:50 ပူးပေါင်းရင်းမြစ်များ

Marko 14:27

ꞌI te ara he kī e Ietū: —A kōrua taꞌatoꞌa he haka rehu i a au ꞌi te pō nei. Pē ira, paꞌi, e hāꞌaki ena ꞌi ruŋa i te Pāpaꞌi Moꞌa ꞌi te vānaŋa kī e te ꞌAtua pē nei ē: “E tiŋaꞌi rō a au i te taŋata hāpaꞌo māmoe, ꞌe he maraŋa tahi tāꞌana māmoe”.

Marko 14:49

Paurō te mahana ꞌi muri i a kōrua e noho e hāpī era a au ꞌi te Kona Haꞌamuri ꞌAtua ꞌe ꞌina a kōrua kai ꞌa-ꞌaru i a au. I ai ai pē nei e haka tano ꞌā ki te meꞌe hāꞌaki ꞌi ruŋa i te Pāpaꞌi Moꞌa.

Marko 14:51

He kope ꞌāpī mau nō e tahi i oho ꞌi tuꞌa e viri rō ꞌā i a ia hai tāvana. He moko e te nuꞌu he ꞌa-ꞌaru a te kahu.

Iovani 16:32

Nā he tuꞌu mai te hora, ko te hora mau nei ꞌā, he maraŋa tahi kōrua ki te kōrua kona, ꞌe he haka rē kōrua i a au hoko tahi nō. Nōatu. Taꞌe a au hoko tahi nō; ararua māua ko te Matuꞌa.

Iovani 18:8

He pāhono haka ꞌou e Ietū: —Ko kī atu ꞌana a au ko au nā kope. ꞌE mo ai o kōrua ki a au e kimi mai ena, ka haka rē te nuꞌu nei ki oho.

2 Timoteo 4:16

ꞌI te mahana maꞌu raꞌe era i a au mo ture ꞌi muꞌa o te nuꞌu ra-rahi o te rōmano, ꞌina e tahi kope i mataꞌite mōꞌoku; taꞌatoꞌa nō i hoa ai i a au. Pē hiva ꞌana te ꞌAtua ana taꞌe tapa atu, ꞌo haka ūtuꞌa i a rāua.