Marko 14:38 - Rapa Nui

³⁸ E ꞌa-ꞌara e pure kōrua ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō, he pūai kore o kōrua».

Marko 14:38 ပူးပေါင်းရင်းမြစ်များ

Māteo 24:42

»ꞌO ira, e veveri e ꞌara te mata. Kai ꞌite kōrua a hē ka tuꞌu mai te Pūꞌoko Haka Tere nei o kōrua.

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Māteo 26:41

E ꞌa-ꞌara e pure ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō he taꞌe pūai o kōrua».

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Marko 14:34

He kī ki tū ŋā kope era: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho nō mai kōrua ꞌi nei; e uꞌi ꞌo hāꞌuru rō».

Marko 14:37

He hoki ia ki tū kona era ꞌi ira a kuā Pētero, he uꞌi ko hāꞌuru ꞌana. He kī ki a Pētero: «E Tīmona, ¿e haꞌuru ꞌā a koe? ¿Kai ravaꞌa hia ka tahi hora ꞌe ko paŋahaꞌa ꞌā koe ꞌi te haꞌuru?

Marko 14:39

He oho haka ꞌou a Ietū he pure pē tū hora raꞌe era.

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Ruka 22:40

I tuꞌu era ki rā kona he kī e Ietū: «Ka pure ꞌo aŋa kōrua i te meꞌe taꞌe tano ꞌi te hora ka haka ꞌatu atu ena».

Ruka 22:46

He kī: «¿He aha kōrua i hāꞌuru ai? Ka eꞌa ki ruŋa ka pure, ꞌo aŋa kōrua i te meꞌe taꞌe tano ꞌi te hora ka haka ꞌatu atu ena».

1 Kōrinto 16:13

E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

Karatia 5:17

Te meꞌe taꞌe tano pohe e te hakari meꞌe taꞌe haŋa o te Vārua Maitai. ꞌE te meꞌe haŋa ꞌāꞌana mo aŋa e tātou taꞌe he meꞌe taꞌe tano pohe e te hakari. Te ŋā meꞌe nei ararua e tātake rō ꞌā ꞌi roto i a tātou. ꞌO ira a tātou e taꞌe ravaꞌa ena mo aŋa i te meꞌe haŋa mau era mo aŋa.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.