Marko 14:34 - Rapa Nui

³⁴ He kī ki tū ŋā kope era: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho nō mai kōrua ꞌi nei; e uꞌi ꞌo hāꞌuru rō».

Marko 14:34 ပူးပေါင်းရင်းမြစ်များ

Māteo 26:38

He kī: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho kōrua ꞌi nei; e uꞌi ꞌo hāꞌuru rō».

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.