Marko 13:27 - Rapa Nui

²⁷ He uŋa i te merahi mo haka taka-taka i te nuꞌu haꞌataꞌa māꞌana mai te kona taꞌatoꞌa o te ao, mai te kona hopeꞌa mau era o te henua ꞌātā ki te kona hopeꞌa era o te raŋi».

Marko 13:27 ပူးပေါင်းရင်းမြစ်များ

Māteo 12:42

»Pē ira takoꞌa te ꞌariki vahine o Tāvā ka eꞌa ena ꞌi te mahana o te haka ūtuꞌa ꞌe hai ia ka takeꞌa ena te hape o kōrua; i oho nō mai, paꞌi, mai te henua hopeꞌa o te roa mo haka roŋo i te vānaŋa mārama-rama o te ꞌariki era ko ⌊Toromono⌋. ꞌE ꞌi te kona nei te kope ꞌata hau ki a Toromono.

Māteo 13:41

He uŋa e te Poki o te taŋata i tāꞌana merahi mo toꞌo mai roto o te haka tere iŋa ꞌāpī o te ꞌAtua i te nuꞌu haka hara i te rua ꞌe i te nuꞌu aŋa i te meꞌe taꞌe tano.

Māteo 13:49

ꞌI te paꞌo iŋa o te ao, pē ira ka ai ena: he eꞌa te merahi he haꞌataꞌa i te taŋata aŋa i te meꞌe taꞌe tano mai roto i te nuꞌu aŋa i te meꞌe tano,

Māteo 24:22

ꞌE mo taꞌe haka poto e te ꞌAtua ꞌi rā ŋā mahana, ꞌina e tahi taŋata mo ora; ꞌe, he haka poto e ia ꞌi te haŋa ki te nuꞌu haꞌataꞌa māꞌana.

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 24:31

Hai puhi pūai o te koneta ka uŋa era i tāꞌana merahi mo haka taka-taka i te nuꞌu haꞌataꞌa māꞌana mai te pāꞌiŋa era a ha-hā o te ao, mai te potu nei o te raŋi ki te potu era.

Marko 13:20

Mo taꞌe haka poto e te ꞌAtua i rā ŋā mahana, ꞌina e tahi taŋata mo ora. ꞌE, ko haka poto ꞌā ꞌi te haŋa ki te nuꞌu haꞌataꞌa e ia māꞌana.

Marko 13:22

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

Marko 13:28

He kī haka ꞌou ia e Ietū: «E haka topa te kōrua manaꞌu ꞌi ruŋa i te tumu pika: Ki ai tōꞌona maŋa ꞌāpī, ꞌe ki pipi tōꞌona raupā, he aŋi-aŋi e kōrua ko hāhine ꞌā a hora.

Ruka 16:22

»He tuꞌu ki te mahana e tahi he mate tū ꞌōtare era, he maꞌu e te merahi ki te raŋi ki muri i a ⌊ꞌAparahama⌋. He mate takoꞌa tū taŋata ꞌono era. He maꞌu he tanu, ꞌe ꞌi roto i te pōꞌauahi i hopeꞌa ai. ꞌE mai roto i rā ꞌati i hārui ai te mata, he uꞌi ko ꞌAparahama ꞌi kōnui era, ꞌe ꞌi muri e noho rō ꞌā a Rātaro.

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 11:52

ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

Rōmano 8:33

¿Ko ai ia te kope mo tuhi i te hape o te nuꞌu haꞌataꞌa e te ꞌAtua? ꞌĀꞌana, paꞌi, te haka tano i a rāua ki tōꞌona mata.

Kōrosa 3:12

Te ꞌAtua e haŋa rō ꞌana ki a kōrua ꞌe ko haꞌataꞌa ꞌana i a kōrua māꞌana. ꞌO ira, e riro kōrua nuꞌu māhatu ꞌaroha, nuꞌu riva, nuꞌu taꞌe manaꞌu i hau rō atu ki te rua, nuꞌu haumārū, ꞌe nuꞌu ꞌite i te haꞌaoromaꞌi.

2 Tētārōnika 2:1

E te taina, hora nei ko haŋa ꞌana a mātou mo vānaŋa atu o ruŋa i te hoki iŋa mai o te tātou Pūꞌoko Haka Tere ko Ietū Kiritō, ꞌe o ruŋa i te taka-taka iŋa o tātou mo noho ꞌi muri i a ia.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.