Marko 12:36 - Rapa Nui

³⁶ ꞌE, ka ai atu pē ira, i kī rō e Tāvita ꞌi te hora haka vānaŋa i a ia e te ⌊Vārua Maitai⌋ pē nei ē: “ꞌA Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho koe ꞌi tōꞌoku pāꞌiŋa mataꞌu ꞌātā ka haka rē rō e au i te nuꞌu taꞌe haŋa atu ki a koe ꞌi raro o tuꞌu vaꞌe’”.

Marko 12:36 ပူးပေါင်းရင်းမြစ်များ

Māteo 5:35

ꞌe hai henua, he kona raŋo o tōꞌona vaꞌe; pē ira ꞌana hai Hērutarema, he kona o te ꞌAriki hopeꞌa o te nui-nui.

Aŋa o te ꞌĀpōtoro 1:16

«Pē ira mau ꞌā te meꞌe nei ana topa, e tōꞌoku taina ē, mo haka tano ki te meꞌe kī e te Vārua Maitai ꞌi ruŋa i te ⌊Pāpaꞌi Moꞌa⌋ pāpaꞌi e ⌊Tāvita⌋ o ruŋa i a Hura, kope uŋa era i te nuꞌu mo ꞌa-ꞌaru i a Ietū.

Aŋa o te ꞌĀpōtoro 28:25

ꞌE, ꞌi te ai manaꞌu kē-kē ananake, he haꞌamata he oho mai rā kona. Te meꞌe hopeꞌa i kī e Pauro ki rā nuꞌu: «He parautiꞌa te meꞌe haka ꞌite e te ⌊Vārua Maitai⌋ ki te kōrua tupuna hai perofeta era ko ꞌItaia pē nei ē:

2 Timoteo 3:16

Te meꞌe taꞌatoꞌa kī ꞌi ruŋa i te Pāpaꞌi Moꞌa he meꞌe haka ꞌite mai e te ꞌAtua. Tōꞌona hauhaꞌa: he hāpī mai, he ture mai, he haka tī-tika mai i te manaꞌu ꞌe he hāpī mai i te noho iŋa tano ki te mata o te ꞌAtua,

ꞌEvereo 1:13

ꞌIna te ꞌAtua kai kī ki te merahi: «Ka noho koe i tōꞌoku pāꞌiŋa mataꞌu, ꞌātā ka haka riro rō a au i te nuꞌu taꞌe haŋa atu he meꞌe mo raŋo o tuꞌu vaꞌe».

ꞌEvereo 4:7

ꞌO ira te ꞌAtua i vaꞌai haka ꞌou mai ai i te mahana mo oꞌo ki roto, ꞌe rā mahana ko ꞌaŋarīnā. I haka ꞌite mai ai hai meꞌe kī e ⌊Tāvita⌋ ꞌi ruŋa i te Pāpaꞌi Moꞌa ko rahi atu ꞌā te matahiti mai te noho iŋa o rā nuꞌu ꞌite raꞌe era, he meꞌe haka ꞌite atu era e au pē nei ē: «Mo ŋaroꞌa e kōrua ꞌi ꞌaŋarīnā i te meꞌe kī atu e te ꞌAtua, ꞌina ko haka hio-hio te manaꞌu».

1 Pētero 1:11

Te meꞌe o rāua i haŋa mo aŋi-aŋi o rā roŋo: a hē ꞌe pē hē ka tano te meꞌe kī era ki a rāua e te Vārua o te ⌊Kiritō⌋ pē nei ē: e topa rō te ꞌati ꞌi ruŋa i te Kiritō ꞌe ki oti he haka nui-nui.

2 Pētero 1:21

Te perofeta, paꞌi, ꞌina kai vānaŋa hai manaꞌu taŋata; i vānaŋa ai hai manaꞌu o te ꞌAtua, ꞌe o te ⌊Vārua Maitai⌋ i haka vānaŋa.