Marko 12:35 - Rapa Nui

³⁵ E hāpī nō ꞌā a Ietū ꞌi te Kona Haꞌamuri ꞌAtua, he kī: «Ko ꞌite ꞌana a kōrua: te maꞌori o te haka tere hūrio e kī rō ꞌana: mai i a ⌊Tāvita⌋ te Kiritō ka haka ara ena.

Marko 12:35 ပူးပေါင်းရင်းမြစ်များ

Māteo 26:55

He ꞌui ia e Ietū ki tū nuꞌu taꞌatoꞌa era: —¿He toke-toke ꞌō a au i oho mai ai kōrua e maꞌu-maꞌu rō ꞌana i te hoe ꞌe i te miro mo ꞌa-ꞌaru i a au? Paurō te mahana, paꞌi, a au e hāpī era ꞌi te Kona Haꞌamuri ꞌAtua, ꞌe ꞌina kōrua kai ꞌa-ꞌaru i a au.

Māteo 9:27

I eꞌa era a Ietū mai tū hare era, ꞌi tuꞌa i oho ai e rua matapō koia ko ohu: —¡E Ietū, e te Hakaara o ⌊Tāvita⌋ ē, ka haka ꞌaroha koe i a māua!

Marko 10:1

He eꞌa a Ietū mai Kaperenāū, he oho ki Hūrea ꞌe ki te rua pāꞌiŋa o te rio ko Horotana. ꞌI ira te taŋata i taka-taka haka ꞌou ai, ꞌe he haꞌamata a Ietū he hāpī, pa he meꞌe rava aŋa e ia.

Marko 11:27

He tuꞌu haka ꞌou a kuā Ietū ki Hērutarema. E haꞌere nō ꞌana a Ietū ꞌi te Kona Haꞌamuri ꞌAtua, he haka hāhine te nuꞌu oromatuꞌa ra-rahi, te nuꞌu maꞌori o te haka tere hūrio ꞌe pē ira ꞌā te nuꞌu pūꞌoko haka tere hūrio.

Marko 14:49

Paurō te mahana ꞌi muri i a kōrua e noho e hāpī era a au ꞌi te Kona Haꞌamuri ꞌAtua ꞌe ꞌina a kōrua kai ꞌa-ꞌaru i a au. I ai ai pē nei e haka tano ꞌā ki te meꞌe hāꞌaki ꞌi ruŋa i te Pāpaꞌi Moꞌa.

Ruka 19:47

Paurō te mahana e hāpī era a Ietū ꞌi te Kona Haꞌamuri ꞌAtua. Te nuꞌu ra-rahi o te ⌊oromatuꞌa⌋, te nuꞌu ⌊maꞌori o te haka tere hūrio⌋, ꞌe te nuꞌu ra-rahi o rā kona e kimi rō ꞌā i te rāveꞌa mo tiŋaꞌi mo haka mate i a Ietū.

Ruka 20:1

E tahi mahana, e haka ꞌite ꞌana a Ietū i te ⌊roŋo riva-riva o te ꞌAtua⌋ ki te taŋata ꞌi te Kona Haꞌamuri ꞌAtua, he tuꞌu te nuꞌu ra-rahi o te ⌊oromatuꞌa⌋, te ⌊maꞌori o te haka tere hūrio⌋ ꞌe te nuꞌu pūꞌoko haka tere hūrio,

Ruka 21:37

Te aŋa ꞌa Ietū he hāpī i te taŋata ꞌi te Kona Haꞌamuri ꞌAtua ꞌi te ꞌōtea; ꞌi te pō, he iri he noho ꞌi ruŋa i te maꞌuŋa kī o te ꞌŌrivo.

Iovani 18:20

He kī e Ietū: —I vānaŋa ai a au ꞌi muꞌa o te nuꞌu taꞌatoꞌa: he hāpī tāꞌaku aŋa ꞌi roto i te ⌊hare pure hūrio⌋ ꞌe ꞌi te Kona Haꞌamuri ꞌAtua, he kona ꞌi ira e taka-taka ena te hūrio taꞌatoꞌa. ꞌIna e tahi ꞌāꞌaku vānaŋa i taꞌe kī ꞌi muꞌa o te taŋata.

Iovani 7:42

Pē nei e kī ena ꞌi ruŋa i te Pāpaꞌi Moꞌa: te Kiritō he hakaara o te ꞌariki ko ⌊Tāvita⌋, ꞌe ka oho mai ena mai Vērene, he kona o Tāvita».