Marko 12:33 - Rapa Nui

³³ ꞌE te haŋa iŋa ki te ꞌAtua hai haŋu taꞌatoꞌa o te māhatu, o te manaꞌu, ꞌe o te pūai, ꞌe te haŋa ki te rua pa he haŋa iŋa ena ꞌā ōꞌou ki a koe, i hau rō atu i te hauhaꞌa ki te meꞌe taꞌatoꞌa tutu ꞌe tūtia ki te ꞌAtua.

Marko 12:33 ပူးပေါင်းရင်းမြစ်များ

Māteo 12:7

A kōrua kai aŋi-aŋi ꞌā i te haꞌaauraꞌa o te vānaŋa nei o te ꞌAtua: «Tāꞌaku meꞌe haŋa taꞌe he tūtia o kōrua, he ai o kōrua nuꞌu māhatu ꞌaroha». ꞌĀhani i aŋi-aŋi e kōrua, e ko kī e hape rō ꞌā te nuꞌu ꞌina kai aŋa hia i te meꞌe taꞌe tano.

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

ꞌEvereo 10:8

Te auraꞌa o te vānaŋa raꞌe kī nei e Ietū: te ꞌAtua ꞌina he haŋa ꞌe he koa ꞌi te rauhuru meꞌe vaꞌai e te taŋata ki a ia, ꞌi te tūtia o te ꞌanimare ꞌe ꞌi te ꞌanimare tūtia tutu ka oti rō mo haka kore o te hara, ka ai atu te ŋā meꞌe nei he meꞌe mo aŋa hāꞌaki ꞌi ruŋa i te haka tere iŋa era ꞌa Mōtē.