Marko 11:25 - Rapa Nui

²⁵ »Hora ena o kōrua e pure ꞌā, e haka rehu kōrua ꞌi raꞌe i te meꞌe taꞌe tano aŋa atu e te rua, ki haka kore ai e te Matuꞌa o te raŋi i te kōrua hara. [

Marko 11:25 ပူးပေါင်းရင်းမြစ်များ

Māteo 5:23

»Mo ai ia e maꞌu ꞌana koe i taꞌa tūtia ki te ꞌAtua ꞌe he manaꞌu koe e riri rō ꞌana tuꞌu taina mōꞌou,

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Māteo 6:5

»Hora era o kōrua mo pure, ꞌina ko ai pa he nuꞌu riva a te haho nō, te meꞌe haŋa o rāua he māroa he pure ꞌi roto i te hare pure hūrio ꞌe ꞌi te pini o te ara mo takeꞌa e te taŋata. ꞌĪ a au he kī atu: he mātaꞌi-taꞌi o te taŋata te meꞌe mau nō mo haka koa i a rāua.

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

Ruka 18:13

»ꞌE tū kope haka ꞌauhau moni era mo te rōmano, i haka ꞌava-ꞌava i māroa ai ꞌe a raro ꞌā te mata e uꞌi era, he tiŋi-tiŋi koroꞌiti i tōꞌona uma koia ko kī: “¡E te ꞌAtua ē! ¡Ka haka ꞌaroha mai koe; he taŋata hara a au!”.

Ruka 6:37

»ꞌIna ko manaꞌu: i a kōrua te parau mo kī i te tano ꞌe i te taꞌe tano o te meꞌe aŋa e te rua, ꞌo kī takoꞌa atu e te ꞌAtua i te tano ꞌe i te taꞌe tano o te kōrua meꞌe aŋa. ꞌIna ko manaꞌu: te meꞌe tano mo te rua he ūtuꞌa o te ꞌAtua, ꞌo kī rō atu e te ꞌAtua mo kōrua. E haka rehu te hape o te rua ki haka kore ai e te ꞌAtua i te kōrua hape.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.

Tanatiako 2:13

Te nuꞌu taꞌe haka ꞌaroha i te rua taŋata, pē ira takoꞌa ka taꞌe haka ꞌaroha ena i a rāua e te ꞌAtua ꞌi te hora o te ture hopeꞌa, ꞌe te nuꞌu haka ꞌaroha i te rua taŋata, e ko riꞌa-riꞌa ꞌi rā hora.

Meꞌe Haka Takeꞌa 11:4

Te ŋā mataꞌite nei e haꞌaauraꞌa ena ꞌi ruŋa i te ⌊Pāpaꞌi Moꞌa⌋ pa he tumu ꞌōrivo e rua ꞌe pa he hakariꞌi e rua o muꞌa o te Pūꞌoko Haka Tere o te henua.