Marko 11:24 - Rapa Nui

²⁴ ꞌO ira ꞌī a au he kī atu: te meꞌe taꞌatoꞌa no-noꞌi e kōrua hai pure, e manaꞌu: nā ko ai ꞌā i a kōrua rā meꞌe ꞌe he vaꞌai atu.

Marko 11:24 ပူးပေါင်းရင်းမြစ်များ

Māteo 18:19

»He kī atu a au: mo haꞌaꞌau ꞌi te ao nei hoko rua o kōrua mo no-noꞌi e tahi meꞌe hai pure, he vaꞌai atu e tōꞌoku Matuꞌa o te raŋi.

Māteo 21:22

ꞌE te meꞌe taꞌatoꞌa o kōrua mo no-noꞌi ꞌi roto i te pure e haka moe rō ꞌana i te manaꞌu ꞌi ruŋa i te ꞌAtua, he ravaꞌa e kōrua.

Marko 11:25

»Hora ena o kōrua e pure ꞌā, e haka rehu kōrua ꞌi raꞌe i te meꞌe taꞌe tano aŋa atu e te rua, ki haka kore ai e te Matuꞌa o te raŋi i te kōrua hara. [

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 15:7

»Mo noho nō mai o kōrua ꞌi muri i a au, ꞌe mo maꞌu riva-riva i tāꞌaku hāpī nei, te meꞌe mo no-noꞌi mai e kōrua he vaꞌai atu.

1 Kōrinto 14:13

Te kope ki a ia te meꞌe i vaꞌai ai he vānaŋa i te ꞌarero kē taꞌe ꞌite e ia e ani ki te ꞌAtua mo vaꞌai i te pūai mo haꞌaauraꞌa i tāꞌana vānaŋa era.

1 Iovani 3:22

ꞌe he vaꞌai mai e ia i te taꞌatoꞌa meꞌe o tātou mo no-noꞌi ꞌo te ai e haꞌatura rō ꞌana a tātou ki tāꞌana roŋo ꞌe e aŋa rō ꞌā i tāꞌana meꞌe haŋa.