Marko 10:52 - Rapa Nui

⁵² He kī e Ietū: —Ka oho nō koe; ꞌi te haka moe ōꞌou i tuꞌu manaꞌu ꞌi ruŋa i a au i ora ena tuꞌu mata. ꞌI rā hora mau ꞌā he haꞌamata he takeꞌa e tū taŋata era i te meꞌe, ꞌe he oho takoꞌa ꞌi tuꞌa i a Ietū.

Marko 10:52 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 12:22

He maꞌu ia ki a Ietū i te taŋata ko keva ꞌā te mata ꞌe ꞌina he vānaŋa ꞌi te oꞌo e te tātane, ꞌe he haka ora e Ietū.

Māteo 15:28

He kī ia e Ietū: —¡Ko te pūai i tuꞌu haka moe iŋa i te manaꞌu ꞌi ruŋa i a au! Ka ai pa he meꞌe haŋa ena e koe. ꞌE ꞌi rā hora mau ꞌā he ora tū poki era.

Māteo 21:14

He haka hāhine ia te nuꞌu matapō ꞌe te nuꞌu vaꞌe koke ki a Ietū ꞌi roto, ꞌe he haka ora e ia.

Māteo 8:3

He haka puā e Ietū hai rima ꞌe he kī: —Ko haŋa ꞌana a au. ¡Ka ora! ꞌI tū hora mau era ꞌā he maꞌitaki te rēpera o tū taŋata era.

Māteo 9:22

He hārui he uꞌi a Ietū a tuꞌa, he takeꞌa i rā viꞌe ꞌe he kī: «Kiahio koe, e vovo ē. He haka moe ōꞌou i tuꞌu manaꞌu ꞌi ruŋa i a au i ora ena tuꞌu māui-ui». ꞌE mai rā hora he ora rō ꞌai rā viꞌe.

Marko 1:31

He haka hāhine a Ietū ki tū viꞌe era, he ꞌa-ꞌaru a te rima ꞌe he haka eꞌa ki ruŋa. ꞌI tū hora ꞌā he ora rō ꞌai te māui-ui, ꞌe he haꞌamata rā viꞌe he vaꞌai hai kai mo kuā Ietū.

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Marko 8:25

He haka puā haka ꞌou e Ietū i tōꞌona rima ki te mata. He uꞌi haka ꞌou tū taŋata era ana takeꞌa riva-riva e ia ꞌe he aŋi-aŋi ko ora ꞌā tōꞌona mata. Ko takeꞌa riva-riva ꞌā i te meꞌe taꞌatoꞌa.

Ruka 7:50

He ꞌata kī ki rā viꞌe e Ietū: «Ko eꞌa ꞌana a koe mai roto i te hara, he haka moe ōꞌou i te manaꞌu ꞌi ruŋa i a au. Ka oho riva-riva».

Ruka 9:48

ꞌe he kī ki rā nuꞌu: «Te kope toꞌo ꞌe hāpaꞌo i te poki nei hai ꞌīŋoa ōꞌoku e toꞌo ꞌana i a au; ꞌe te kope toꞌo i a au e toꞌo takoꞌa ꞌana i te kope uŋa mai i a au. ꞌE te kope ꞌata hōnui ꞌi roto i a kōrua, he kope tōꞌona manaꞌu mau nō he tāvini ki te taꞌatoꞌa».

Iovani 9:32

Mai te haꞌamata iŋa ꞌā o te ao kai ŋaroꞌa mai ꞌana o ruŋa o te taŋata haka ora i te mata o te kope i poreko ai e matapō rō ꞌā.

Iovani 9:39

He kī e Ietū: «A au i oho mai ai ki te ao nei mo kī i te meꞌe tano ꞌe i te meꞌe taꞌe tano o te taŋata. Te nuꞌu e keva rō ꞌā te mata mo te meꞌe o te ꞌAtua e haka māꞌeha rō e au i te rāua manaꞌu. ꞌE te nuꞌu kī ko ꞌite ꞌā a rāua o ruŋa i te ꞌAtua e haka aŋi-aŋi rō e au e keva rō ꞌana te rāua mata mo te meꞌe o te ꞌAtua».

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.